ЖЭБ соту: Сапар Исаков: "Жантөрө Сатыбалдиев регионалдык баланс болуш үчүн эле камакта отурат"

Тектеш кабарлар: Бишкек ЖЭБи боюнча соттук иштер (254 материал)

Бүгүн, 3-декабрда Бишкектеги Свердлов райондук сотунда ЖЭБди жаңылоодогу коррупция боюнча ачык соттук отурум уланууда. Анда тараптардын жарыш сөзү жүрүүдө.

Мурдагы өкмөт башчы Сапар Исаков TBEAнын өкүлү Мусажан Макелектин УКМКнын имаратында жазылып калган аудио жазуусун окуп берди. Аудио жазуунун тексттинде Макелек, ага карата коркутуулар болуп жатканын айткан. Буга чейин аудио жазуунун үзүндүсүн жактоочу Нурбек Токтакунов өзүнүн социалдык баракчасына жарыялаган.

Отурумда Исаков иш боюнча өтүп жаткан ар бир фигуранттар менен болгон мамилесин айтып берди. Ал: "Тергөө ЖЭБ боюнча бизди кылмышка күнөөлөп, мени кылмыштуу топтун, "банданын" башчысы катары көрсөтүптүр. Ал эми калгандары менин бандамдын мүчөсү экен. Мисалга, Жантөрө Жолдошевич тууралуу айтайын. Жантөрө Жолдошевичти билгендерден сурагыла. Ага бир иш менен кайрылсаң "сен кимсиң, бар нары" деп жооп бере турган адам. Кечирип койгула, бирок Жантөрө Сатыбалдиев биздин өлкөдөгү аймактык бөлүнүүчүлүк жүрүп кетпеши үчүн отурат деп ойлойм. Башкача айтканда, Жантөрө Жолдошевич регионалдык баланс үчүн камалган", - деди Исаков.

Мындан тышкары, Исаков Осмонбек Артыкбаев тууралуу айтып жатып, экөөнүн пикирлери көп учурда дал келбегенин белгиледи. "Айыптоочу тарап экөөбүздү бирге кылмыштуу иш-аракеттерди жасаган деген бүтүмгө кантип келди? Артыкбаевдин өзүнүн бизнес-индустриясы бар. Ал акчага муктаж болгон эмес. Ошондуктан 100 миллион сом төлөдү да. Бирок эмнеге андай кылганын түшүнгөн жокмун. Андан көрө балдар үйүнө берсе болмок", - деди ал.

12:21 03-12-2019

Автор: Бактыгүл Султаналиева

Жазылуу

РУБРИКАДАГЫ СОҢКУ КАБАРЛАР

22:38 2024-04-26 | Кылмыштар, кырсыктар

Токтогулдун 60 жаштагы тургуну баңгизат менен кармалды 167 0

21:37 2024-04-26 | Саясаттагы соттук иштер

Шайлообек Атазов депутаттык мандаты боюнча Жогорку сотко кайрылды 519 0

21:23 2024-04-26 | Коом жана турмуш

Бишкекте техникалардын дөңгөлөгүн жуучу жабдуу орнотпогон курулуш компаниялары жабылат 346 0

20:49 2024-04-26 | Кылмыштар, кырсыктар

Ысык-Көлдө 17 жылдан бери издөөдө жүргөн шектүү кармалды 623 0

20:11 2024-04-26 | Коом жана турмуш

"Күтүп калбаңыз". Бишкекте бүгүн 20:30дан кийин №5 троллейбус токтотулат 304 0

19:54 2024-04-26 | СОТТУК ИШТЕР

Тилек Матраимов үй камагына чыгарылды 1032 1

Архив

Комментарийлер (6)

yrmat88

2019-12-03 12:32:24

Бул сот ишин Сооронбайлар ойлоп тапкан. Атамбаев Жээнбековтон мындай митаайым, жамандык күтпөгөнү үчүн экинчи ирет шайлоого барган жок. бийликти тынчтык жол менен өткөрүп берди. Сооронбай деген шорду адам эмес экен. Жогол Сооронбай элдин козуно корунбой.

-2

Altyn.bala

2019-12-03 13:41:55

yrmat88,Атамбаев болбосо Сооронбай эч ким эмес.Айыл окмоту дагы болмок эмес.

Makul

2019-12-03 14:49:18

Altyn.bala,Туура, ак батасын берип ак дили менен президент кылды го. Кудай мындай саткынчылыкты кечирбейт.

Mister-X

2019-12-03 16:06:18

yrmat88,Сооронбай ТЭЦти жардырдыбы силерге? ТЭЦ жарылбаса, эл билмек эмес.Коомго тарап,акчанын эсеби чыкпаганы учун камалып жатат. 111 миллион доллар кайда экенин тапсын. Же аны да Соке бекитип алдыбы?Олсонор да чындыкты суйлогуло. Эл баарын коруп турат.

-2

Nazar76

2019-12-03 15:08:16

Бизде бийликке келип алып жееп жееп алып актана беришет экенда Куноосун моюнуна коюп камап салбайбы Жегичтерди

bazar

2019-12-03 16:02:00

Уялбай кантип актанат десең нендурррайындааааррр... Жебесенер кана акча?!. ТЭЦ ремонт болбогон, кытайга карыз 380 миллион доллар деп жазылган

Комментарий калтыруу үчүн өз ысымыңыз менен кириңиз же каттоодон өтүңүз.