Бишкекте унаасы менен көпүрөдөн түшүп кеткен айдоочу кыздын акыреги, 8 кабыргасы жана жамбаш сөөгү сынган

Бишкекте унаасы менен көпүрөдөн түшүп кеткен айдоочу кыздын акыреги, 8 кабыргасы жана жамбаш сөөгү сынган. Бул тууралуу бүгүн, 23-апрелде SUPER.KG порталына Травматология жана ортопедия илим-изилдөө институтунун башкы дарыгери Алмаз Кубатбеков кабарлады.

"Жабырлануучунун акыреги, 8 кабыргасы жана жамбаш сөөгү сынган. Бүгүн эртең менен ал жандандыруу бөлүмүнөн жалпы бөлүмгө которулду. Учурда ага тиешелүү медициналык жардам көрсөтүлүп, ал дарыгерлердин кароосунда болууда. Абалы туруктуу", - дейт Кубатбеков.

Окуянын чоо жайына кайрылсак:

Жол кырсыгы 21-апрелден 22-апрелге караган түнү, саат 02:00 чамасында Чыңгыз Айтматов кең көчөсү менен Лев Толстой көчөлөрүнүн кесилишиндеги көпүрөдө орун алган. Анда Honda CRV үлгүсүндөгү унаанын айдоочусу катуу ылдамдыкта келе жатып жолдон чыгып кетип көпүрөдөн түшүп кеткен.

Автор: Мальвина Уметбекова