ЭЛДИК ВИДЕО: "Баарынан мыкты" балдар долбоорунда Ван Даммды туураган Кыргыз бала көпчүлүктү таң калтырды

Медиа-порталдын "ЭЛДИК ВИДЕО" бөлүмүнө "Баарынан мыкты" балдар долбооруна катышкан Кыргыз баланын видеосу жүктөлдү. Анда Мухаммад Али Хасанахунов америкалык актёр, режиссёр, каскадёр Жан-Клод Ван Даммды туураган. Видеону Орусиянын "Биринчи каналы" 21-апрелде эфирге чыгарды.

Элдин алдына чыккан Мухаммад Али турникке тартынып, бир нече трюктарды көрсөтүп, турникте тартынып турганда моюнуна 32 килограммдык гиряны дагы көтөрдү. Ошондой эле ал Жан-Клод Ван Даммдын жүк ташыган унаанын күзгүсүнө туруп шпагат жасаган трюгун дагы кайталап, көрүүчүлөрдү таң калтырды.

Мухаммад Али Хасанахунов долбоордун алып баруучусу Максим Галкин менен болгон маегинде айылда аны Али Ван Дамм деп аташарын, бул долбоорго катышуу үчүн атайын орус тилин үйрөнгөнүн айтты. Мындан тышкары ал кызыгуулары, келечек пландары тууралуу айтып, чоңойгондо таэквондо боюнча Олимпиада чемпиону болгусу келерин билдирди. Мухаммад Али 5 жашынан тарта таэквондого кызыгып, машыга баштаган. Учурда анын машыктыруучусу - атасы. Мухаммад Алинин атасы штангист болгону менен таэквондодогу эрежелерди интернеттен көрүп, уулуна үйрөтүп келет.

Кичинекей жылдызга айланган Мухаммад Али Хасанахунов Ош облусунун Кара-Суу районуна караштуу Таширов айылынан болот. Ал 10 жашта.

Буга чейин "Баарынан мыкты" долбооруна Жалал-Абад шаарынан барган Нурмухамед Ташмаматов катышкан. Ал нунчак менен кол ойнотуп, Брюс Лини жазбай туураган.

Автор: Бактыгүл Момбекова

11:45 25-04-2019

Жазылуу

РУБРИКАДАГЫ СОҢКУ КАБАРЛАР

17:56 2025-06-15 | Коом жана турмуш

"Бул жакта жашоо жеңил эмес, бирок ийгиликке жеткен мекендештер да бар" дейт Америкада жашаган Нурадил (маек) 4464 0

16:14 2025-06-15 | Түркүн дүйнө

Эрдоган Израилди токтотууга чакырып, Иранга сокку уруунун кесепеттерин эскертти 4232 0

15:52 2025-06-15 | Коом жана турмуш

Сырдуу көл, токойлор, шаркыратмалар... Кыргызстандын кереметтери бир топтомдо 5478 0

15:07 2025-06-15 | Түркүн дүйнө

Израил АКШдан Ирандын Фордо жер астындагы өзөктүк объектисин жок кылууга жардам берүүнү суранды 3792 0

14:46 2025-06-15 | Коом жана турмуш

Блог: Байыркы тарых менен заманбап доор айкалышкан Египет 2379 0

14:15 2025-06-15 | Кылмыштар, кырсыктар

Чүйдө 6 жаштагы кызды сүзүп кеткен айдоочу кармалды 1644 0

Архив

Комментарийлер (7)

Maksattarga-karai

2019-04-25 12:57:42

Кыргызстанда таланттар толтура,бирок колдоо жок

KG.Kushtarbek

2019-04-25 12:59:24

Красавчик

Mavlyuda

2019-04-25 13:42:47

Молодец. Ийгилик кудайым колдосун. Тилегиңе жет

Alixan-Nookat.2015

2019-04-25 15:05:20

Азаматсын Али Вандам!

Skarlett-Skarlett

2019-04-25 16:31:48

Азаматсын Алишка Ван Дамм

Chungyz

2019-04-25 21:10:45

Азамат

Busi06

2019-04-26 04:21:24

Aзаматсын Дайыма ушинтип Кыргыздын Атыны чыгарып журобер ийгилик красавчик бала экен Атандын сыймыгы бол укам,Биз Кыргыздар сендей талантуу адамдар мн сыймыктанабыз!

Комментарий калтыруу үчүн өз ысымыңыз менен кириңиз же каттоодон өтүңүз.