Шашылыш билдирүү! Үшүк жүрүшү күтүлүүдө

Шашылыш билдирүү! Тоо этектеринде үшүк жүрүшү күтүлөт. Мындай маалыматты ӨКМнын басма сөз кызматы таратты.

Маалым болгондой, 27-28-апрель күндөрү түнкүсүн Талас, Ысык-Көл, Нарын облустарынын дыйканчылык аймактарында, Чүй, Ош, Жалал-Абад, Баткен облустарынын тоо этектеринде күн -1 градустан -3 градуска чейин төмөндөп үшүк жүрүшү күтүлөт.

Бул күндөрү күтүлүп жаткан нөшөрлүү жаан-чачынга байланыштуу Чүй, Талас, Ош, Жалал-Абад жана Баткен облустарынын дарыяларында суунун деңгээли көтөрүлүшү күтүлүп, тоо этектериндеги райондордо сел жүрүшү мүмкүн. Ошондой эле, Бишкек-Ош унаа жолунун Чычкан капчыгайында, Көчкүлү-Булак кар көчкү тилкесинде жана Каракол-Эңилчек унаа жолунун Чоң-Ашуу ашуусунда кар күрткү жана кар көчкү түшүү коркунучу сакталат. Жолдордун айрым жерлери тайгак болуп муз тоңот.

Унаалардын ортосундагы кыймылдын чектелиши 500 метр аралыкты камтышы зарыл.

Автор: Айсалкын Качкынбекова