Комузчу Омор Улукманов каза болду

Комузчу Омор Улукманов 62 жашында каза болду. Бул тууралуу Маданият, маалымат жана туризм министрлигинин басма сөз кызматынан кабарлады.

"Комузчу, Нарын шаарындагы Жумамүдүн Шералиев атындагы искусство мектебинин директору Омор Улукманов бүгүн, 5-майда каза болду. Маркумду акыркы сапарга узатуу зыйнаты эртең, 6-майда болот", - деп билдирет басма сөз кызматы.

Омор Улукманов 1957-жылы Нарын облусунун Ат-Башы районундагы Казыбек айылында төрөлгөн. Жогорку окуу жайды аяктагандан кийин Ат-Башыдагы маданият үйүндө эмгектенген. Кийинчерээк, Нарын шаарына келип, искусство мектебинин жетекчиси болуп бүгүнкү күнгө чейин эмгектенип келген.

Автор: Бактыгүл Момбекова