Бишкекте 14 жаштагы кыз дайынсыз болуп изделүүдө

Бишкекте 14 жаштагы Элиза Максытова дайынсыз болуп изделүүдө. Бул тууралуу анын апасы Роза айым билдирди.

"Кызым "Орто-Сай" базары жактагы мектепте билим алат. Бүгүн мектептен физикалык дарыланууга барган. Ал жактан чыккандан кийин үйгө же Көк-Жар конушуна кошумча ийримге бармак. Кызымдын жанында телефон жок. Элизанын буга чейин кечигип келген күндөрү болгон эмес", - дейт ал.

Элиза Максытова бүгүн, 8-майда саат 14:30 чамасында "Орто-Сай" базары тараптан жоголгон.

Кийип жүргөн кийимдери: ак блузка, кара түстөгү юбка жана кара түстөгү толстовка болгон. Бою 161 сантиметр, арык чырай, бетинде бир аз сепкили бар.

Элиза Максытованы көрүп-билгендер болсо, төмөндөгү номерлерге байланышып коюуну милиция кызматкерлери өтүнөт.

Байланыш телефондору: 0 (312) 51-41-84, 0 (771) 64-53-53.

Автор: Бактыгүл Момбекова