ЭЛДИК КАБАР: "Жалал-Абад электр" ишканасынын кызматкерлери 3 айдан бери маяна ала элек

"Жалал-Абад электр" ишканасынын кызматкерлери 3 айдан бери айлыгыбызды ала албай жатабыз" деген окурман "Элдик кабар" рубрикасына байланышты.

Анын айтымында, жетекчилик "акча жок" деген шылтоо менен маянаны кечиктирип жатат.

"Жалал-Абад электр" ачык акционердик коомунда катардагы жумушчу болуп иштейм. Маяна албаганыбызга 3 ай болду. Себебин сурасак "акча жок" дешет. Энергетика тармагында кантип акча жок болушу мүмкүн? Күн сайын миллиондогон акчалар түшүп жатпайбы. Мындан сырткары жумушчулар көпчүлүк учурда ишемби күнү да иштеп жатабыз. Ордуна башка күнү эс аласыңар деп айтылганы менен, иш жүзүндө андай болбойт", - дейт окурман.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.