Былтыр Улуттук банктын кызматкерлеринин айлык маяналарына 444 миллион сомдон ашуун каражат жумшалды

Өткөн жылы Улуттук банктын административдик төлөмдөрүнө сарпталган каражаттардын жалпы суммасы 1 миллиард 21 миллион 552 сомду түздү. Бул тууралуу бүгүн, 3-июнда парламенттин Бюджет жана финансы боюнча комитетинин отурумунда Улуттук банктын төрагасы Толкунбек Абдыгулов билдирди.

Жогорку Кеӊештин Бюджет жана финансы боюнча комитетинин отурумунда Улуттук банктын төрагасы Толкунбек Абдыгулов 2018-жылы аткарган иши жөнүндө отчёт берүүдө.

Ал өткөн жылы аткарылган иштер тууралуу жалпы маалымат берип, мекемеде иштеген кызматкерлеринин саны тууралуу төмөнкүдөй жооп берди. "Улуттук банкта 771 кызматкер иштейт. Анын ичинде облустук өкүлчүлүктөрдүн 17 мүчөсү бар. 2018-жылы административдик төлөмдөргө сарпталган каражаттардын жалпы суммасы 1 миллиард 21 миллион 552 сомду түздү. Анын ичинен кызматкерлердин айлык акыларына 444 миллион 753 миң сом сарпталган", - деди Абдыгулов.

Автор: Мальвина Уметбекова