Вице-премьер: "Баткендин чек арага жакын жайгашкан айылдарында фельдшердик-акушердик пункттарын жабдуулар менен камсыз кылуу маселеси каралат"

Бүгүн, 4-июнда Жогорку Кеңештин комитетинде Кыргыз-Тажик чек арасы боюнча өкмөттүн токтомунун аткарылышы тууралуу маселе каралып жатат.

Анда вице-премьер-министр Жеңиш Разаков Баткендин чек арага жакын жайгашкан айылдарында фельдшердик-акушердик пункттарын жабдуулар менен камсыз кылуу маселеси карала турганын айтты.

"Ак-Сай, Көк-Таш, Таш-Тумшук, Капчыгай, Үч-Дөбө, Ак-Татыр фельдшердик-акушердик пункттарын жана №10 Орто-Боз үй-бүлөлүк дарыгерлер тобун кошумча медициналык жабдуулар менен камсыз кылуу максатында 2019-жылдын 3-кварталына сатып алуулар порталына берүү пландалууда. Ал эми Ак-Сай фельдшердик-акушердик пункту медициналык тез жардам унаасы менен камсыз кылынып, бүгүнкү күндө элди медициналык жактан тейлөөдө", - дейт Разаков.

Автор: Жылдыз Джускембаева