Президент Сооронбай Жээнбеков космонавт, Кыргыз Республикасынын Баатыры Салижан Шариповду кабыл алды. Бул тууралуу президенттик аппараттын басма сөз кызматы билдирди.
Маалыматка ылайык, мамлекет башчысы туулган жерине келген Салижан Шарипов менен жылуу учурашты. Ал Кыргыз өлкөсү космосту багындырган атактуу мекендешин ар дайым кубаныч менен тосуп алууга даяр экенин белгиледи. Космонавт жылуу кабыл алуу үчүн ыраазычылык билдирип, Кыргыз мамлекетин ар тараптуу өнүгүүсүнө болгон жардамын берүүгө даяр экенин билдирди.