Бишкекте сабалып каза болгон нигериялык жарандын сөөгү Арча-Бешикте жерге берилет. Анын артында аялы жана бир баласы калды

Бишкекте сабалып каза болгон нигериялык жаран Али Тижжани Абубакардын сөөгү бүгүн, 5-июлда жерге берилет. Бул тууралуу ал директорлук кылган Cambridge School билим берүү борборуна байланышканыбызда белгилүү болду.

Маалыматка ылайык, маркум Бишкектеги Арча-Бешик жаңы конушуна жакын жердеги көрүстөнгө коюлат. Ага жаназа Эркиндик-Күрөңкеев көчөлөрүнүн кесилишиндеги мечитте окулат. Али Тижжани Абубакар Бишкек шаарында 20 жылдан бери жашаган.

"Ал студент болуп келген бойдон Бишкекте жашап калган. Нигерияда баласы жана жубайы бар. Анын өлүмү тууралуу жакындарына кабар берилип, бир тууган иниси келди", - дешти аталган мекемеден.

2-июлда социалдык тармактарда Бишкектин ортосунда жайгашкан "Айчүрөк" соода борборунун аймагында сабалган чет элдик жарандын видеосу тараган. Сабалган жаран Бишкектеги чет тил үйрөтүүчү мектептердин биринин директору 1985-жылы туулган Али Тижжани Абубакар экени айтылган.

Бул окуядан улам өкмөт башчы чуулуу окуяга күнөөлүүнү тез арада кармоого ыкчам иш-чараларды жүргүзүп, мыйзам жоопкерчилигине тартуу керек экенин белгилеген. Ал эми Нигерия жаранынын ден соолугун өзгөчө көзөмөлгө алып, медициналык жардам көрсөтүүнү Саламаттыкты сактоо министрлигине тапшырган. Бул кылмышка шектелип 22 жаштагы Ысык-Көл облусунун тургуну кармалган.

Автор: Кызжибек Раимова

11:39 05-07-2019

Жазылуу

РУБРИКАДАГЫ СОҢКУ КАБАРЛАР

13:45 2025-07-20 | Спорт

Нурхан Самидинов Дүйнөлүк жайкы Универсиададан коло медаль утту 49 0

13:15 2025-07-20 | Түркүн дүйнө

Байыркы Рим коргоочуларына таандык болгон чоң өлчөмдөгү бут кийим табылды 347 0

12:52 2025-07-20 | Түркүн дүйнө

Японияда жалган айып менен түрмөдө 40 жыл отурган жаран эркиндикке чыкты 427 0

12:01 2025-07-20 | Түркүн дүйнө

Менеджери менен кучакташып турган видеосу тарагандан кийин компания директору кызматтан кетти 1997 0

11:22 2025-07-20 | Түркүн дүйнө

Лос-Анжелесте автоунаа элди сүзүп, 20дан ашуун адам жабыркады 372 0

10:42 2025-07-20 | Түркүн дүйнө

Вьетнамда туристтик яхта оодарылып, кеминде 34 адам каза тапты (видео) 718 0

Архив

Комментарийлер (11)

nur_zhoni

2019-07-05 12:33:24

Super.kg сусанна егорян жонундо маалымат берип койунуздарчы мисс азия 2019 женуучу болдубу ошол кыз кыргызстандын атынан чыгып

-12

Baktiyar731

2019-07-05 12:35:47

14 жашында эле келгенби Кыргызстанга?

Muslim_KGstana.

2019-07-05 13:00:26

Бечара ушул кыргыздар тил уйронуп сабатсыздыгын жоюп,Тил уйронуп дуйносу кенейсин деген ой менен журсо керек эле

zhykyo

2019-07-05 13:20:27

Нигеряда аялы менен баласы калса анда бияктада аялы баласы барго мм .Нигеряга алып кетишпей бияка комгонуно караганда

Perfekt

2019-07-05 14:50:03

Жапайылычык, байкуш жон эле жургон бироону сабап олтуруп койгон. Уят

+11

Karakash

2019-07-05 16:55:00

Ушул зоокур, бандит балдарды сабаттуулукка, элиткага уйротомун, окутамын деп келип бир бандиттин колунан каза тапканы биз учун окунучтуу Кыргызстан учун уят иш болду. Катаал жаза берилсин ушундай адамдын омурунон коркпогондорго.

alibekova94

2019-07-05 20:56:01

Кыргызстандыктар жапайы адамдар экен дешет да эми башкалар, уят эле, адамдар да кичине пейилин ондосо болмок, ушунчалык агрессивный тан каласын , дагы бийликти куноолоп коебуз, озу акылман создор туболук кучундо калат экен да, элине жараша ханы деп.

-5

JENTLEMAN

2019-07-06 00:44:12

alibekova94, Эмне башкалардын өлкөлөрү уникалдуу тим эле келишкен күнөөсүздөр жашаган Периштелердин өлкөсү бекен? Мындай кокустуктар күнүнө ар кайсыл өлкөдө болуп турат, бир эле бизде эмес.

karabet

2019-07-07 17:46:36

JENTLEMAN, сен барган эмессин да. Барсан билмексин.
Ооба, башка олколор маданияттуу. Адам деп айтса болот.

ruslanz

2019-07-05 22:40:17

Негизи адамдар агресивный болуп баратышат.Артынан барып суйроп, анан уруптур.

Комментарий калтыруу үчүн өз ысымыңыз менен кириңиз же каттоодон өтүңүз.