"Forbes" журналы эң көп киреше тапкан жылдыздардын рейтингин жарыялады

Белгилүү "Forbes" журналы дүйнөлүк жылдыздардын кирешелерин эсептеп, эң көп киреше тапкандардын рейтингин жарыялады. Бул тууралуу чет элдик маалымат каражаттары жазып чыгышты.

Маалыматка ылайык, рейтингдин сап башында 12 айда 185 миллион доллар киреше тапкан белгилүү ырчы Тейлор Свифт жайгашкан.

Ал эми 2-орунда америкалык топ-модель жана косметикалык компаниянын жетекчиси өзүнүн 170 миллион доллары менен Кайли Женнер жайгашкан. 3-орунда рэпер, Ким Кардашьяндын күйөөсү Канье Уест өзүнүн 150 миллион доллары менен жайгашкан.

Алдыңкы бештикке аргентиналык футболчу Лионель Месси (120 миллион доллар) жана британиялык поп-ырчы Эд Ширан (110 миллион доллар) жазылышкан.

Айта кетсек, топ-100гө киргендердин көбүнчөсү - музыканттар (34 адам) жана спортчулар (34 адам).

Автор: Айзада Тураркулова