Азербайжанда 500 жылдык чынар теректин бутагы сынып кетип 19 адам жабыркады

Азербайжанда 500 жылдык чынар теректин бутагы сынып кетип 19 адам жабыркады. Бул тууралуу чет элдик маалымат каражаттары жазып чыкты.

Маалыматка ылайык, окуя кечээ, 14-июлда Шеки шаарындагы Шекин хандарынын ак сарайында орун алган. Анда 500 жылдык чынар терегинин бутагы сынып кетип 19 туристти басып калган.

"Натыйжада 19 адам ар түрдүү жаракаттарды алган, анын ичинен 5 cириялык жана 2 орусиялык турист бар. Жабыркагандарга медициналык жардам көрсөтүлгөн, учурда алардын абалы туруктуу.

Шекин хандарынын ак сарайы Азербайжандагы тарыхый жана баалуу эстеликтердин бири болуп саналат. Ал ак сарай 1761-1762-жылдары курулуп, Гусейин-хан Муштаддын жайкы резиденциясы катары колдонулуп келген. Шеки шаарынын тарыхый бөлүгү жана аталган ак сарай ЮНЕСКОнун тарыхый мурастар тизмесине кирген", - деп айтылат маалыматта.

Автор: Мальвина Уметбекова