Лос-Анжелесте абанын температурасын төмөндөтүү үчүн жолдорду ак түскө боёо долбоору башталды

АКШнын Калифорния штатындагы Лос-Анжелес шаарында асфальт жолдорду ак түскө боёо иштери башталды. Бийлик муну менен катуу ысыктан коргонуунун алдын алып жатканын чет элдик басылмалар жазып чыгышты.

Маалыматка ылайык, Лос-Анжелестин мэри Эрик Гарсетти жолдорду ак түскө боёо долбоорун ишке ашырууну колго алган. Жолдорду ак түстөгү сыр менен каптоо CoolSeal деп аталып, авиабазанын инженерлери тарабынан иштелип чыккан. Тагыраагы, CoolSeal учуучу аппараттардын ысып кетпөөсү үчүн иштелип чыккан. Кийинчерээк кимдир-бирөөлөр сырды жолдорду салкын кармоо үчүн колдонсо болорун ойлоп чыккан. Алгач Лос-Анжелестеги ысык аймактарга эксперимент жүргүзүлүп, анда унаа токтотуучу жайдын бөлүгү ак сыр менен боёлгон. Натыйжада ак түскө боёлгон жолдун температурасы 6 градуска төмөндөгөн.

Азыркы тапта шаар мэри алдыдагы 20 жылга чейин абанын температурасын 1-2 градуска төмөндөтүүнүн үстүндө иштеп жатат. Ошондой эле мэр шаар тургундарын бак-дарактарды тигүүгө, үйдүн чатырларын ак түскө боёого чакырган.

1 миля (1 чакырым 600 метр) жолго 40 миң доллар каражат сарпталары айтылган. Боёлгон жол 7 жылга чейин кызмат кылат. Жолдордогу абанын температурасы төмөндөсө тургундардын өмүрүнө коркунуч жаралбайт, электр энергиясы дагы аз сарпталат.

Кара түс жылуулукту өзүнө тартып алып, температуранын жогорулашына алып келет. Ал эми ак түс ультра сыя-көк нуру менен чагылышып, жылуулукту азайтат.

Автор: Бактыгүл Момбекова

13:48 15-07-2019

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 1040 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 1156 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 940 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1180 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1408 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 690 0

Архив

Комментарийлер (4)

tular

2019-07-15 14:06:24

Булардын краскалары 7 жыл кызмат кылса, биздин асфальт 2 жыл аран чыдайт. Биз деле асфальт салбай эле жолдорду ак краска менен боесок жок дегенде 5 жылга жетип беретго?! Краска арзан асфальтка караганда жана 5 жыл кызмат кылат!!! Анданда жайында 6 градуска томон температура...

+17

Muratmipa

2019-07-15 14:13:46

tular,а жок биздикилер ошол красканы да жеп салат анан 3 кунго да чыдабайт

+12

Aman_Mansurov

2019-07-15 15:18:46

tular,асфальт жок болсо эмнени краскалайбыз?

+11

TIMON_BERKOWITZ

2019-07-15 19:37:13

Aman_Mansurov,Айыл жергесинде го күн Бишкектегидей ысыбаса керек. Бишкекте бүт эле жери асфальт го.

-2

Комментарий калтыруу үчүн өз ысымыңыз менен кириңиз же каттоодон өтүңүз.