Күнгө куйкалана берелиби? Мээ кайнаткан ысыкта иш убактысын кыскартуу мыйзамда каралган эмес

Ушул жылдын июль айында абанын температурасы жогорулап, катуу ысык орун алууда. Кыргызгидромет 26-июлдан 29-июлга чейин республиканын көпчүлүк аймактарында абанын температурасы +38... +40 градуска жетери күтүлүп жатканын маалымдаган.

Мээ кайнаткан ысык дагы канча убакытка созулат деген суроо менен Кыргызгидрометке байланышып, төмөндөгүдөй жооп алдык.

"Биз аба ырайы тууралуу маалыматтарды бир аптага гана чыгарып беребиз. Июль айында абанын температурасы жогорулады. Айдын аягында +40 градуска чейин жетиши күтүлүүдө. Ал эми август айында жамгыр жаап, Чүй, Нарын өрөөндөрүндө абанын температурасы +35... +37 градуска чейин жетиши болжолдонууда".

Аталган агенттиктен абанын температурасынын эң жогорку чени канчага жеткени тууралуу маалыматтар жок экенин кошумчалады.

Мээ кайнаткан ысык адамдардын өлүмүнө себеп болгон учурлар кездешет. Мындай аба ырайында жарандардын коопсуздугу мамлекет тарабынан корголобу деген суроо менен Эмгек жана социалдык өнүгүү министрлигинин алдындагы Эмгек башкармалыгына кайрылдык. Тилекке каршы, Кыргыз Республикасынын Эмгек кодексинде мээ кайнаткан ысыкта жарандардын коопсуздугун камсыздай турган мыйзам же норма жок экенин билдиришти.

"Кыргыз Республикасынын Эмгек кодексинде мээ кайнаткан ысыкта иш убактысын кыскартуу жана башка чектөөлөр боюнча мыйзам же норма жок. Эгерде абанын температурасы +40 градус болуп, 5 же андан ашык күнгө созулса, анда Кыргызгидромет бизге айтышы керек. Ошол учурда гана биз өкмөткө иш убактысын кыскартып берүү өтүнүчү менен кайрылабыз. Калганын өкмөт чечип берет.

Ал эми кышында катуу суук орун алганда иш убактысы кыскартылышы керек деген норма бар. Тагыраагы, Эмгек кодексинин 111-беренесине ылайык, катуу суук учурунда ачык жайда иштеген жумушчуларга, жылытууга мүмкүн болбогон ишканаларда иштеген кызматкерлерге атайын жылынуу, эс алуу үчүн уруксат берилет. Ал убакыт иш мөөнөтүнө кошо киргизилген", - деди Эмгек башкармалыгынын башкы адиси Гулзина Бообекова.

Автор: Бактыгүл Момбекова

21:06 23-07-2019

Жазылуу

РУБРИКАДАГЫ СОҢКУ КАБАРЛАР

17:51 2025-07-20 | Түркүн дүйнө

20 жылдан бери комада жаткан Сауд Арабиянын ханзаадасы каза болду 287 0

17:28 2025-07-20 | Түркүн дүйнө

Тибетте дүйнөгү эң ири ГЭС курула баштады 250 0

17:06 2025-07-20 | Элдик кабар

"Мындай жол жок болчу". Бишкектик тургун мэрияга ыраазычылыгын билдирди (видео) 496 0

16:44 2025-07-20 | Түркүн дүйнө

Песков: "Путин менен Трамптын жолугушуусу зарыл" 473 0

16:03 2025-07-20 | Түркүн дүйнө

Азербайжан Орусияга каршы эл аралык доо арыз даярдоодо 584 0

15:22 2025-07-20 | Түркүн дүйнө

Зеленский кийинки жумада Орусия менен сүйлөшүү өткөрүүнү сунуштады 696 0

Архив

Комментарийлер (2)

Lui

2019-07-24 09:06:10

Кыргызгидромет абанын температурасынын эң жогорку чени канчага жеткени тууралуу маалыматтар жок экенин кошумчалады... Кантип жок? Тан калычтуу жооп ээ туугандар?

Lintel

2019-07-24 10:29:22

Карапайым калк эгин талаада 45градус болсо дел иштеп журушот. Жумшак кабинеттегилер кун ысып кетсе да иш убагын кыскартып бер деп догурганы кандай иш болмодо ансыз деле кондиционер барго

Комментарий калтыруу үчүн өз ысымыңыз менен кириңиз же каттоодон өтүңүз.