Кыргыз мигрантына колдоо көрсөткөн орусиялык айымга Ысык-Көлгө жолдомо берүүнү сунуштап жатышат

Москвада Кыргыз жаранына колдоо көрсөтүп, аны полиция бөлүмүнө алып барарда токтотуп калган айымды Ысык-Көлгө эс алууга чакырышууда. Окуя учурунда тартылган видео тарагандан кийин интернет колдонуучулары ага ыраазычылыктарын айтып, эс алууга жолдомо берүүнү сунуштап чыккандар да болду.

Коомчулукка белгилүү болгондой, окуя 20-июлда Москва шаарында "Третьяковский" метро-станциясынын жанында орун алган. Мыйзам бузбай, жөн гана отурган Кыргыз жаранынын паспортун туристтик полиция кызматкерлери текшерүү үчүн сураган.

Ошол маалда окуянын чоо-жайын билүүгө кызыкдар болгон эл топтолуп, окуяны баштан аяк уюлдук телефонго тартып интернетке жүктөшкөн. Алардын арасында турган Ирина Яценко Кыргыз жаранынын таламын болушунча талашып, жигитти камакка алып кетүүгө каршы турган. Окуянын жүрүшүндө Кыргыз жараны эрежени бузбаганы жана ал Орусиянын аймагында мыйзамдуу жүргөнү такталды.

Милиция кызматкерлерине "Эмне үчүн паспортун текшерип жатасыңар?" деп суроо беришкенде, алар жооп бере алышкан эмес. Интернет колдонуучулары тарабынан Ирина Яценконун адамгерчилик сапатына карата жылуу пикирлер азыркы учурга чейин айтылууда.

Окуя боюнча интернеттеги баракчасына пикирин жазган Ирина Яценко сөзүн кыргызча саламдашуу менен баштады.

"Саламатсыздарбы? Менин Кыргыз жерине көчүп барайын деген оюм жок. Кыргыз тилин өздөштүрөрүмө деле ишеним арткан жокмун. Болгону акыркы күндөрү баракчама катталган колдонуучуларга өз тилинде саламдашууну туура көрүп турам. Бирок кыргыз тилин кытай тилине салыштырмалуу начар билгендиктен орусча жазайын. Видео жарыяланган соң мага миңдеген адамдар жаза баштады. Бардык комментарийлерге жооп бергенге аракет кылып жатам, бирок алар өтө эле көп санда болуп жатат. Ыраазычылык сөзүн жазган инсандарга, Ысык-Көлгө жолдомо сунуштагандарга айтарым: жылуу пикирлериңизге жана чакырууларга рахмат! Ал жигитке жардам бере алганыма өтө кубанычтамын.

Менин оюмча, Орусияда өз укуктарын билген, өзүн коргоого аракет кылган адамдардын саны көбөйүп жатат. Андай адамдардын саны арбыганда биздин жашообуз түп тамырынан өзгөрөт. Идеология, раса, улут, тутунган дини, саясий көз карашына карабай адам укуктары баарында бар", - деген ал.

Автор: Бактыгүл Таалайбек кызы

15:55 24-07-2019

Жазылуу

РУБРИКАДАГЫ СОҢКУ КАБАРЛАР

17:51 2025-07-20 | Түркүн дүйнө

20 жылдан бери комада жаткан Сауд Арабиянын ханзаадасы каза болду 287 0

17:28 2025-07-20 | Түркүн дүйнө

Тибетте дүйнөгү эң ири ГЭС курула баштады 250 0

17:06 2025-07-20 | Элдик кабар

"Мындай жол жок болчу". Бишкектик тургун мэрияга ыраазычылыгын билдирди (видео) 496 0

16:44 2025-07-20 | Түркүн дүйнө

Песков: "Путин менен Трамптын жолугушуусу зарыл" 473 0

16:03 2025-07-20 | Түркүн дүйнө

Азербайжан Орусияга каршы эл аралык доо арыз даярдоодо 584 0

15:22 2025-07-20 | Түркүн дүйнө

Зеленский кийинки жумада Орусия менен сүйлөшүү өткөрүүнү сунуштады 696 0

Архив

Комментарийлер (10)

kechirmeni

2019-07-24 16:11:20

Азаматсын Ира! Кыргыздар жакшы калкпыз просто анча мынча арабызда кумалактарыбыз бар

+24

tular

2019-07-24 16:42:29

Азаматсын!!! Лично мен аэропорттон тосуп Бишкекке чейин алып келип авто вокзалдан Ысык-Колго салып жибергенге даярмын!!!

+17

atanazarov10

2019-07-24 18:12:59

tular,бирок мен КР эмесмин деп кой а)))

Chungyz

2019-07-24 17:57:28

Лагман менен

katerina.li

2019-07-24 18:02:49

Келсе калпак кийизип койбогула дагы

+10

Mamiev

2019-07-24 18:22:25

katerina.li,Туура айтасың бизде эркек аял айырмасын билбеген адамдай чапан калпак кийгизип жатышат ак мээлер. А так жардын)))

Saiit

2019-07-24 18:06:52

келгилечи кайактагыны реклама кылбай ошо полтиция менен бул айал тууган экен. экобутен бир оруста! Анданда коп бизде проблемалар Ак-сай айылына барып тарткылачы адамдар октон учуп таштан башы жарылып олтурат мекенди коргойбуз деп!!!

-10

aydinnur

2019-07-24 19:02:33

Saiit,а десе б деген адам экенсиң ((Эсиңде болсун, жамандык менен жакшылык жанаша жүрөт.

bekov01

2019-07-24 19:18:36

Азамат мыкты айым! Биздин ошол шаардагы елчилик ушул айымга жолугуп, ыраазычылык билдирип Ысык-Колго жолдомо берип койсо зынк болмок екен

+10

zhykyo

2019-07-24 19:18:44

Таш менен урганды аш менен ур деген бар эле.Тиги полицейскийди да чакырып коёлу уй булоосу менен эс алып кетсин экинчи жон эле тийишпей калсын Кыргыздарга.

Комментарий калтыруу үчүн өз ысымыңыз менен кириңиз же каттоодон өтүңүз.