Президент Кыргыз-Орус жаш лидерлери форумунун катышуучулары менен жолугушту

Президент Сооронбай Жээнбеков Кыргыз-Орус жаш лидерлери форумунун катышуучулары менен жолугушту. Бул тууралуу бүгүн, 28-июлда президенттик аппараттын басма сөз кызматынан билдиришти.

Маалыматка ылайык, мамлекет башчы Орусиянын президенти Владимир Путиндин 2019-жылдын март айындагы Кыргыз мамлекетине сапарында Кыргыз-Орус жаштарынын ортосундагы кызматташтыкты өнүктүрүү маселеси да талкууланганын эске салды.

Президент жаш лидерлердин форуму эки өлкөнүн жаштарынын мындан аркы кызматташтыгы үчүн мыкты негиз болоруна ишеним билдирди.

"Бизди Орусия менен тарыхый достуктун, союздаштыктын жана өз ара урматтоонун бекем салттарына негизденген ишеничтүү мамилелер байланыштырып турат. Орусия - биз үчүн жакын, ишенимдүү жана стратегиялык өнөктөш. Биз Орусия менен бирге алга жылгыбыз келет, өлкөлөрүбүздүн элдеринин жыргалчылыгы үчүн биздин мамилелерди өркүндөткүбүз жана бекемдегибиз келет", - деп белгиледи Сооронбай Жээнбеков.

Жолугушуунун соңунда бирге сүрөткө түшүп, форумдун катышуучулары президентке символикалуу белектерди тапшырышты.

Форум өз ишин 25-июлда Бишкек шаарында баштап, 30-июлга чейин Чолпон-Ата шаарында уланат.

Автор: Жылдыз Джускембаева

13:16 28-07-2019

Жазылуу

РУБРИКАДАГЫ СОҢКУ КАБАРЛАР

17:28 2025-07-20 | Түркүн дүйнө

Тибетте дүйнөдөгү эң ири ГЭС курула баштады 998 0

17:06 2025-07-20 | Элдик кабар

"Мындай жол жок болчу". Бишкектик тургун мэрияга ыраазычылыгын билдирди (видео) 1330 0

16:44 2025-07-20 | Түркүн дүйнө

Песков: "Путин менен Трамптын жолугушуусу зарыл" 1103 0

16:03 2025-07-20 | Түркүн дүйнө

Азербайжан Орусияга каршы эл аралык доо арыз даярдоодо 1010 0

15:22 2025-07-20 | Түркүн дүйнө

Зеленский кийинки жумада Орусия менен сүйлөшүү өткөрүүнү сунуштады 1070 0

14:37 2025-07-20 | Коом жана турмуш

Ошто 17 жыл вагондо жашаган үй-бүлө үйлүү болушту (видео) 1453 0

Архив

Комментарийлер (2)

senchi

2019-07-28 14:10:36

Элдерге пайдасы тийген нерсени кылсаңар,эмне Москва масалани чечип калганбы. Тезирек Атамбайдын сериялын бүтүргүлө аны эркелете бербей. Элдер сотко барат,Атамбай эмне ак бекен же закон Атамбайга башкачабы.

Kanybek121195

2019-07-28 16:42:18

senchi,Болду уже Атамбаевди карай албайт. Путин аталары чакырып экөөнүн тең көтүнө уруп жөнөттү да жөн ойногула деп.

Комментарий калтыруу үчүн өз ысымыңыз менен кириңиз же каттоодон өтүңүз.