Индияга барып боорун алмаштырган Милан Садыкжан уулу менен кайрымдуулук фондунун чыры

Былтыр август айында Милан Садыкжан уулу оор илдет менен күрөшүп жатканын айтып, кайдыгер карабаган адамдардан жардам сурап кайрылган. Кайдыгер эмес жарандардын жардамы менен керектүү сумма чогулуп, ага 12-октябрда 10 саатка созулган операция ийгиликтүү жасалган. Ал мекенине аман-эсен кайтып келген.

Интернетте "Кайрымдуу бол" фонду менен Милан Садыкжан уулунун ортосундагы болгон пикир келишпестик талкууга алынды. SUPER.KG порталы бул окуя боюнча аталган фонддун жетекчиси Азамат Байматовго байланышты.

"Коомдук фонд оору менен алышып кыйналган адамдарга жардам берүү менен алектенип келет. Муну көпчүлүк билет. Биздин Баткен облусуна баруубуздун биринчи максаты Миландын абалын суроо болду. Экинчи максатыбыз Милан элдин жардамы менен абалы жакшырып, операциясы ийгиликтүү өттү. Ошол эле убакта элде Милан операциядан кийин ашкан акчага унаа жана жер сатып алган деген пикирлер айтылып жатат. Маалыматтар, далилдер да бар. Мындан улам "бир кезде өзүңө окшоп, акчадан кыйналып, оор илдетке кабылгандарга жардамыңды берип кой. Сен өз чөнтөгүңдөн бербей элесиң го. Булар деле айыгып кетсин" деген сунуш айттык. Биз ал жакта эч кандай өкүмзордук көрсөткөн жокпуз. Ошондой эле биз менен Миланга ооруп жаткандардын апалары кошо барышкан. Бирок ал "мен силерге карыз эмесмин, эч нерсе бере албайм" деди. Ал сөздөрдү камерага тартып жатканбыз. Анан камераны зыянга учуратып, ичиндеги флешканы тартып алды.

Ортодо чыр чыкты. Мен ага сен ушундай адамдын жардамы менен бутка турдуң деп айттым.

Биздин фонддо жардамга муктаж болуп келген адамдарга маалыматтык колдоо көрсөтүлөт. Биз Миланга ушунча миң доллар акча чогулган деп айта албайбыз. Бирок үй менен унааны элден түшкөн акчага алды деген маалыматтарды далилдеп бергенге аракет кылабыз", - деди Байматов.

Ошол эле убакта Милан Садыкжан уулуна байланышып, төмөнкүдөй жоопту алдык.

"30-июлда Азамат Байматов келиптир. Мен ал убакта үйдө уктап жатсам, атам келип ойготту. Сыртка чыксам камералар орнотулуп, Азамат Байматов айыл аксакалдары менен сүйлөшүп жатыптыр. Мен басып барсам эле "сенин алган унааң, шаардагы жериң боюнча келдик" деди. Мен түшүнбөй нес абалында туруп калдым. 20 мүнөттөй сүйлөдү, мен баарын угуп турдум. Өзү менен кошо балдары оорудан жабыркап жаткан эки апаны да ала келиптир. Аларды көрсөтүп, "сен ооруганда ушундай адамдар жардам берген, эми сен буларга жардам бер" деп айтты. Мен колумдан келген жардамды берем дедим.

Байматов менен келген журналист кыз өзүн тааныштырбастан "сиз эмне кылып жардам бересиз?" деп сурады. Мен колумдан келген жардамымды берем деп жооп бердим. Кайра эле "үйүңүздү сатасызбы же жериңиздиби?" деди. Азамат Байматовго атам "колдон келген жардамыңды бер деп эле айтсаңар болмок, минтип мажбурлаганыңар болбойт го" деди. Бул сөздү ал жакта отурган аксакалдар дагы колдошту. Бирок Байматов "сиздин берген тарбияңыз ушундай болсо, кийинки муун кандай болот" деп атама акарат келтире баштады. Ошондо ачуум келип, камерасын тартып алдым. Бирок камерага эч кандай зыян келген эмес. Штатив сынышы мүмкүн, бирок алардын камерасынын флешкасын алган эмесмин. Алар күндө ар кайсыны айтып, менден көрүп жатышат.

Эжем мага жер алып бере албай калгандан улам унаа сатып берген. Күбөлөр да бар. Акчаны кайдан, кимден алып бергенимди айтышат. Менин дүйнөдөгү бар байлыгым - ден соолугум. Эгер ушунчалык эле шек санап жатышса, дүнүйөмдү текшерип көрүшсүн. Эгер мен алдаган болсом, анда ошонун жазасын алганга даярмын", - деди Милан Садыкжан уулу.

Индияга барып боорун алмаштырган Милан Садыкжан уулу менен кайрымдуулук фондунун чыры

Автор: Айсалкын Качкынбекова

17:55 01-08-2019

Жазылуу

РУБРИКАДАГЫ СОҢКУ КАБАРЛАР

18:01 2025-06-26 | Түркүн дүйнө

Кытайда өлүмгө алып келген 2 жаңы вирус табылды 33 0

17:35 2025-06-26 | Кылмыштар, кырсыктар

УКМК Ноокат райондук сотунун судьясына мыйзамсыз чечими үчүн кылмыш ишин козгоду 268 0

17:24 2025-06-26 | Кылмыштар, кырсыктар

Бишкекте интимдик кызмат көрсөтүүлөрдү уюштургандардын ири тобу кармалды (фото) 331 0

17:06 2025-06-26 | Түркүн дүйнө

Кытайда катуу суу ташкыны: 80 миңден ашуун адам эвакуацияланды 251 0

16:55 2025-06-26 | Түркүн дүйнө

Ирандын жогорку лидери Тегеран Израилди жеңгенин жарыялады 613 0

16:48 2025-06-26 | Саясат

Камчыбек Ташиев дагы бир кызматты аркаламай болду 735 0

Архив

Комментарийлер (132)

Muslim1990

2019-08-02 00:44:40

Ошол Азамат болбогондо ким билет,балким.....жазбай эле койдум.Элден ошончо акча чогултуп,оорулуну дарылатканга чет өлкөдөн врач таап,алып баруу ушул жерде кыйратып,мага окшоп комментарий жазып жаткан ар бирибиздин эле колубуздан келе бербейт.Кудайым деле Азаматты себепкер кылган.Азаматтын ошол акчаны талап кылганга толук акысы бар.Ал деле сага окшогон бирөөнү ойлоп жаткандыр.Аныгын Кудай өзү билет.Азамат ишиңе ийгилик калаайм.Ооруп жаткан бир туугандарым ооруңарга Кудай өзү шыпаасын берсин!!!!

Pandora

2019-08-02 00:49:48

Ооруп жатканда " бир туугандарым да,жардам бере албай калды"-деген.Ошондо колун суна албаган эми машинаны кайдан алып бермек эжеси?
Машина, үй зарыл эмес го, өзүнүн башынан өткөн, өзүнө окшоп жаткан бирөөгө бекер келген акчаны ьерип эле койсо болмок.

Baku88

2019-08-02 01:24:18

Оо Милан Садыкжан уулу азыр эле ээринбей [moderated]дан сенин видео кайрылууларынды кордум Азамат Байматов мн жолугуп акчаны оз колуна карматып сага кандай ден соолук тилеп батыраак айыгып уулун мн кызынын жанына эртереек айыгып келишине чын журоктон тилектеш болгон экен уят го уят башка соз жок сага

wwwbaxa

2019-08-02 02:16:23

Элден чогулган акчага кайсы бети менен минип журот ошол машинаны.Дарылангандан ашкан акчаны вот байке мынча акча ашты муну да мага окшогон Бир байкушка бериниз деп келсе мынчалык чыр чыкмак эмес наоборот алкыш алмак сооп алмак.

boris8907

2019-08-02 02:55:53

Азамат Байматов кайсы акчага үй бүлөсүн багат экен ошону да сурап койгулачы

Stervashka

2019-08-02 03:21:31

Эгер чын эле элден тушкон акча болсо Милан жок дегенде жарымын фондго кайтарып бериш керек болчу. Озунун каражаты жетпей элден жардам сураган. Калган акчаны билдирбей арадан эки жыл откоруп анан иштетсе болмок.Миланды саткан адамдар да билбей калат эле. Минтип фондду нааразы кылбай. Убагында жардам берип алып кайра жардамын милдет кылгандай болуп калыптыр Азамат. Экоо тен туура эмес кылган.

-3

Timon

2019-08-02 06:25:34

Эхее муну мындай коюп Дача суга чогулган млн догон акчаларды издегиле ошончо болсоңор...

supish2017

2019-08-02 07:25:17

Бул фонд келечектуу болушу керек.
Бир эле Милан учун тузулгон эмес. Дагы коптогон оорулууларга жардамы керек. Анан баары эле айыгып алып баары меники десе эртен кайсы фонд иштейт? Америкадан келип бизге куйобу?
Азыр миндеген жарандар гепапит менен ооруп, жардамга муктаж!!

Baktiyar731

2019-08-02 10:16:19

Макул машинасын сатсын, жерин сатсын дейли, карындашы экөөнүн кийинки лечениесин мойнуна алчу киши барбы араңарда? Милан 1-группадагы майып болсо, ал деген ишке жарабайт да.

bayana1987

2019-08-02 10:18:13

Азамат Байматовдун элдин чогултуп берген акчасы менен кандай чатагы бар? Ушинтип оорулууну барып мажбурлап кайрымдуу болбой эле койбойбу. Эже жер берсе бергендир машина берсе бергендир. Аны сат дегенге кимдин кандай акысы бар. Саясатка келем деп кайрымдуу боло калган инсандар коомдун жүрөгүн айландыра баштады

good-girl

2019-08-02 10:39:24

Ким кандай тушунот билбейм бирок оорулуу адам биринчи мал кел машина болсо сатып жетпегенин туугандары чогултуп дагыда жетпесе анан элге кайрылыш керек да ашып калса кайтарып берип койсо кимдир бироого жардам кылган болмок. Элчилик баарибир соз кылат.

Tyty1990

2019-08-02 11:19:53

Кайрымдуу бол менен көп эле жолу иштештик. Азамат байке алдабайт деп ишенем. Ал көп адамга жардам берди

kaisarbek

2019-08-02 11:51:08

Ашкан акчаны кайтарып бериш керек болчу, элге эмне акча асмандан жаап жатыптырбы ооругандарды айыктырып анан машина мингизип койгудай, оздорунун жери машинасы жок чет жерде иштеп жургондор да бергендир ошол акчаларды.

amirrus

2019-08-02 11:53:07

Копчулук берди берген адамдар сурабаса керек Азамат ичинди кен кыл да ишинди уланта бер,сага да жетип атса керек элдин бергени

Mydearzh

2019-08-02 17:58:43

"Кайрымдуулукка" дегенден кийин ал акчаны доолап баруу адамгерчиликке жатпайт. Айрыкча "Кайрымдуу бол" фондуна туура келбеген жорук. Элден акча жыйнаардан мурда кете турган чыгымдарды толук, так эсептеп чыгып, ошол акчаны гана беришет болуш керек. Анан кантип 7000$ артып калсын? Милан да туура эмес мамиле жасаптыр. Эки жакта тен куноо бар. Эгер алганын уй-машинасы чын эле элдин акчасынан кетпесечи?? Далилдери болсо фонд "мына" дешсин. Элдин сөзүн угуп алып же

Комментарий калтыруу үчүн өз ысымыңыз менен кириңиз же каттоодон өтүңүз.