Боорун алмаштырууга муктаж болгон Милан Садыкжан уулуна ийгиликтүү операция жасалды. Бул тууралуу SUPER.KG порталына Садыкжан уулунун жакындары билдиришти.
Маалыматка ылайык, 12-октябрда Индиядагы клиникалардын биринде Миланга ийгиликтүү операция жасалган.
"Операция ийгиликтүү өттү. Миланга карындашы донор болду. Азыркы тапта экөөнүн тең абалы жакшы. Күтпөгөн жерден тооруган оорудан сакайып кетүүгө көмөк көрсөткөн бардык кайрымдуу мекендештерибизге ыраазычылык билдиребиз. Ошондой эле операция жасаган дарыгерлерге да рахмат айтабыз", - деп билдиришти Садыкжан уулунун жакындары.
Буга чейин Милан Садыкжан уулу SUPER.KG порталына жардамга муктаж болуп жатканын айтып кайрылган.