Москвада митингде кармалган төрт активист 27-сентябрга чейин камакка алынды

Москвада митингде кармалган активисттер 27-сентябрга чейин камакка алынды. Бул тууралуу орусиялык басылмалар жазып чыгышты.

Маалыматка ылайык, соттун чечими менен активист Кирилл Жуков, Алексей Миняйло, Иван Подкопаев жана Самариддин Раджабов 2 айга камакка алынды. Укук коргоо органдары аларды митинг учурунда массалык башаламандыкка катышкан деп айыптап жатат.

27-июлда Москвада шаардык кеңешке шайлоого катышпай калган талапкерди коргоп, 3 миңден ашык адам митингге чыккан. Алардын 1000дейи полиция тарабынан кармалган. Айрымдары административдик жазага кээ бирлери 30 күнгө чейин камалды.

Автор: Жылдыз Джускембаева