Австралияда ойлоп табуучулар суудагы таштандыларды чогулткан аппаратты ишке киргизишти

Австралияда ойлоп табуучулар сууда жүрүп, таштанды чогулткан аппаратты ишке киргизишти. Ал жээкте таштанды көп чогулган жерде өз кызматын аткарат. Тагыраагы, аппарат сууга коё берилип, таштандыларды чогултуп сууну тазалайт.

Жаңы аппарат Seabin деп аталып, таштанды көп топтолгон жерге орнотулат. Seabin сууга киргенден тартып калдыктарды соруп баштайт. Аппараттын ичинде орнотулган насостун жардамы менен сууну чыгарып, таштандыларды ичинде калтырат.

Seabin 24 саат бою үзгүлтүксүз иштөөгө жөндөмдүү. Анын мүшөгүн күнүнө эки жолу алмаштыруу жетиштүү. Ойлоп табуучулар дүйнө жүзү боюнча 700гө жакын аппаратты сууга коюп чыгышкан.

Автор: Айжанар Рыспек кызы