Норвегияда мечитке кол салуу болуп, 1 адам жаракат алды

Норвегиянын Осло шаарына жакын жердеги мечитке белгисиз жаран кол салган. Анын жанында бир нече ок атуучу куралдары болгон.

Мекеменин маалыматы боюнча, чабуулчу Норвегиянын жараны жана мечиттин жанында жашаган адам болгон. Окуя Аль-Нур аттуу ислам борборунда орун алган. Кол салуучу атайын форма кийип келген. Ал мечиттин айнектерин талкалап кирип, элге карата ок чыгарган. Мечитте кол салган учурда 3 адам болгон. Жыйынтыгында 75 жаштагы жаран оор жаракат алган.

Ал эми кылмышкерди полиция келгенге чейин эле мечиттегилер кармашкан.

Автор: Гүлшат Ысамамат кызы