Москвада туристтерди ташып бараткан автобус кырсыктап, Кытайдын 15 жараны жабыркады. Бул тууралуу орусиялык маалымат каражаттары жазып чыкты. Маалыматка ылайык, туристтерди ташыган автобус катуу ылдамдыкта келатып жол боюндагы түркүктү сүзүп алган."Учурда жол кырсыгы эмне себептен келип чыкканы аныкталууда. Алдын ала берилген маалыматтарга ылайык, автобустун ичинде 32 адам болгон, жол кырсыгынан жабыркагандардын баары Кытайдын жарандары болгону айтылууда. Жабырлануучуларга алгачкы медициналык жардам көрсөтүлүп, ооруканага жеткирилди", - деп айтылат маалыматта.
