"Снег кружится" чыгармасы менен белгилүү болгон ырчы Юрий Петерсон дүйнө салды

Советтер Союзундагы хит чыгармалардын аткаруучусу, ырчы Юрий Петерсон каза болду. Ал азыр деле эл оозунан түшпөй ырдалып жүргөн "Снег кружится", "На дальней станции сойду", "Идёт солдат по городу", "Вся жизнь впереди", "Не повторяется такое никогда" жана башка чыгармаларды аткарып келген.

Ырчы 72 жашында каза болгонун чет элдик басылмалар анын жакындарына таянып жазып чыгышты.

"Ал белгисиз типтеги онкологиялык дарт менен жабыркап келген. Дарты эмне экенин так аныкталбай калды. Ал онкологиялык ооруга чалдыкканы тууралуу ушул жылдын июль айынын соңунда билдик", - деген ырчынын келини Татьяна Путра.

Маркум менен коштошуу зыйнаты 9-сентябрда өтөт.

Юрий Петерсон "Весёлые ребята", "Самоцветы" топторунун жана "Пламя" ансамблинин солисти болгон.

Автор: Бактыгүл Момбекова