Бердикул Караев ардагерлер арасында күрөш боюнча Дүйнө чемпиондугунда күмүш байгеге ээ болду

Грузиянын Тбилиси шаарында ардагерлер арасында өтүп жаткан күрөш боюнча Дүйнө чемпиондугунда кыргыз балбаны Бердикул Караев күмүш медалга ээ болду.

Караев грек-рим күрөшү боюнча 88 килограмм салмакка чейинки категорияда күч сынашкан. Ал чейрек финалда венгриялык Лазло Сзейтл менен кез келип, 4:0 эсебинде жеңген. Жарым финалда ирандык балбанды жеңип, финалга аттанган.

Караев финалда Германия өлкөсүнүн спортчусу Вилхелм Шредер менен беттешти. Шредер беттеште 5:0 эсебинде утуп алды. Жыйынтыгында Караев күмүш медалга ээ болду.

Автор: Адилет Керимбек уулу