9 жыл бою кыяматты күткөн үй-бүлө жер төлөдө жашап келгени белгилүү болду

9 жыл бою кыяматты күткөн үй-бүлө жер төлөдө жашап келгени белгилүү болду. Нидерландынын түндүк-чыгышында жайгашкан Дренте провинциясындагы Рёйнерволд кыштагынан анча алыс эмес жердеги фермадан полиция кызматкерлери жер төлөдөн 9 жылдай жашаган 58 жаштагы эркек кишини, 16 жаштан 25 жашка чейинки 5 адамды жана алардын атасын алып чыгышты. 58 жаштагы кишинин калган 6 адамга кандай тиешеси бар экендиги азырынча тактала элек. Бул тууралуу дүйнөлүк басылмалар жазып чыгышты.

Маалыматта жазылгандай, бул тууралуу Рёйнерволддогу барга келген 25 жаштагы үй-бүлөнүн улуу баласы айтып берген. Ал 13-октябрда келип, 5 кружка сырага буюртма берген жана барменге бир туугандары жөнүндө айтып, жардам сураган. Анын коё берилген узун чачы, сакалы жана кийими эски болгондуктан, түрү өтө суук көрүнгөн. Ошондой эле ал 9 жылдан бери биринчи жолу көчөгө чыкканын айтып берген.

Барга полиция кызматкерлери чакыртылып, алар 25 жаштагы жаранды алып кеткен. Кийин бак-дарактар менен курчалган ферма текшерүүгө алынган. Үйдөгү китеп шкафы аркылуу жер төлөгө кетчү тепкичтер табылган. Ал жактан 58 жаштагы эркек кишини көрүшкөнү менен ал издөө иштерине катышуудан баш тарткан. Рёйнерволд кыштагынын башчысы Рожер де Гроот "бул киши башка балдардын атасы эмес" деген. Үй-бүлөнүн башчысы жер төлөдө керебетте кыймылсыз абалда жаткан жеринен табылган. Балдардын апасы тууралуу маалымат жок. Ал бир канча жыл мурун каза болушу мүмкүн дешүүдө.

Ошондой эле бул үй-бүлө жер төлөдө так канча убакыт өмүр кечиргени да белгисиз болууда. Үй-бүлөдөгү балдар тышкы дүйнө менен байланышы жок чоңоюшкан. Алар чарбакта өскөн азыктар менен тамактанып, жан сакташкан. Мындан сырткары, алардын эчкиси дагы болгон. Кошуналары ал жерде жалгыз эркек киши жашайт деп билишкен жана ал эч бир адамдын үйүнө киришине уруксат берген эмес деп жазылат маалыматта.

Автор: Айжанар Рыспек кызы

17:02 16-10-2019

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (11)

katerina.li

2019-10-16 17:09:45

Жер толосу сактап калат бекен анан??

nazi25

2019-10-16 17:41:44

Кайран гана 9 жылдык өмүр

Aikaaaa

2019-10-16 19:40:55

2012-жыл, 21-декабрдагы Мая элинин календарындагы акыр замандан качып кирип кетишкен го

Bars88

2019-10-16 20:01:30

Кыямат болсун дейли макул ушу бекингендер тируу калышса.Андан кийинки жашоосу кандай болот.Олгон жаныбарлардан канча оору жугат жашоонун кызыгы не эч ким жок болсо

Kairat1996

2019-10-16 22:15:27

Эч кандай кыямат болбойт. Бул жон гана диний шарлатандардын чыгарганы.

-7

Patoshik1

2019-10-17 01:17:36

Kairat1996,Ден соолугун чын болсун)) сабыр кыл баары жакшы болот !!!

KaGaH

2019-10-17 08:07:37

Kairat1996, Астафиралла, Алла таалам сага ыйман берсин

Anarik87

2019-10-16 23:06:16

Кыямат куну хадисте айтылган ,аалахым бугунку откон кунубузду отуп жатканын коруп турабыз ,аа эртен эмне болорубузду эчким билбейт

KAYRATBEK

2019-10-17 00:18:39

Ислам дини эмнеге адам затка берилген жэ эмнеге адамзатты дин менен жашоого ундойт деген суроого жооп таппаган адам динди жаман коро берет. Дин адам затты аялды аялдай эркекти эркектей сактап бузулбай адам боюнча таза сакталып адамдык сапатын жоготпош учун дин берилген. Дин эси акылы жайында адамга гана тушунуктуу. Себеби дин мээси таза акыл эси тунук мээге гана кирет.

TIMON_BERKOWITZ

2019-10-17 13:02:10

Тормозы)

Many-more

2019-10-17 15:02:57

Кудай деп суйлоп, Кудай деп жашайлы мусулман бир туугандарым!

Комментарий калтыруу үчүн өз ысымыңыз менен кириңиз же каттоодон өтүңүз.