Орусияда балдар үйүндөгү 3 кыздын кош бойлуу болуп калганына байланыштуу иликтөө иштери жүрүүдө

Челябинскте балдар үйүндөгү 3 кыздын кош бойлуу болуп калганына байланыштуу иликтөө иштери жүрүүдө. Бул тууралуу орусиялык маалымат каражаттары жазып чыкты.

Маалыматка ылайык, кош бойлуу болуп калган балдар үйүнүн тарбиялануучулары 16 жана 17 жаштагылар. Бул окуяга байланыштуу балдар үйүнүн жетекчисине сөгүш жарыяланып, учурда мекеменин кызматкерлери суракка алынууда.

"Иликтөө иштеринин алкагында, балдар үйүнүн кызматкерлери кош бойлуу кыздардын бири июль айында турмушка чыкканын маалымдашкан. Учурда кош бойлуу дагы эки тарбиялануучу турмушка чыгуу үчүн тиешелүү документтерди алууга уруксат сурап, балдар үйүнүн жетекчисине кайрылышкан. Азыркы тапта бул окуя боюнча тиешелүү мекемелердин кызматкерлери текшерүү иштерин улантууда", - деп жазылат маалыматта.

Автор: Мальвина Уметбекова