"Салам, Нью-Йорк!" тасмасы Кыргызстандын Эгемендүүлүк майрамына карата кинотеатрлардан көрсөтүлүп баштайт

Режиссёр Руслан Акундун "Салам, Нью-Йорк!" көркөм тасмасы Кыргызстандын эгемендүүлүк майрамына карата кинотеатрлардан көрсөтүлө баштайт. Тасма 31-августтан тартып "Ала-Тоо", "Октябрь" жана "Манас" кинотеатрларында көрсөтүлүп, 2 аптага созулат. Белгилей кетсек, аталган тасманын бет ачары ушул жылдын 14- февралында болгон. Тасманын режиссёру - Руслан Акун, сценарийин жазгандар - Руслан Акун менен Гүлжан Токтогулова, продюсерлери - Нурбек Айбашов менен Чыңгыз Төрөбеков, оператору - Талант Ургазиев. Ал эми башкы ролдордо Бектемир Мамаюсуп менен Аида Түлебаева ойногон.

Автор: Ширин Турдакунова