Жамааттык коопсуздук келишим уюмунун саммитинде 4 миңден ашык кызматкер коопсуздукту камсыздайт

Жамааттык коопсуздук келишим уюмунун саммитине карата коопсуздукту камсыздаган кызматкерлерге ысык тамак жана ысык чай берилет. Бул тууралуу бүгүн, 26-ноябрда өткөн маалымат жыйында Чүй ОИИББинин башчысынын милдетин убактылуу аткаруучу Сапарбек Асаналиев билдирди.

Анын айтымында, 27-28-ноябрь күндөрү борбордогу коопсуздукту 4 миңден ашык кызматкер камсыздайт.

"Биз кызматкерлерди убак-убагы менен алмаштырып, ысык тамак, чай менен камсыз кылабыз" деди ал.

Ал эми Республикалык жол кыймылынын коопсуздугун камсыздоо боюнча башкы башкармалыгынын жетекчиси Азамат Исраилов даярдыктар жакшы экенин кошумчалады.

Автор: Айсалкын Качкынбекова
Фото: Айсалкын Качкынбекова