Депутат: "Өкмөт күйүүчү май боюнча маселени чече албаса, анда отставкага кетиши керек"

Бүгүн, 26-ноябрда Жогорку Кеңештин комитет жыйынында депутат Мирлан Жээнчороев өкмөт күйүүчү май боюнча маселени чече албаса, анда отставкага кетиши керек деген пикирин билдирди.

Ал контрабандалык жосундардан улам, Кыргыз мамлекети менен Казакстандагы күйүүчү майдын баасындагы айырма дагы эле 10 сом бойдон калып жатканын эске салып, өкмөт башчы бул маселени эки жылдан бери чече албай келатканын айтты. "Алар кепилдик сурап жатат, биз аны бере албай жатабыз. Бул көйгөй эки тараптуу келишим түзүлмөйүнчө бир жаңсыл чечилиши кыйын. Эгерде өкмөт күйүүчү май боюнча маселени чече албаса, анда отставкага кетиши керек", - деди Жээнчороев.

Экономика министри Санжар Муканбетов бул маселе боюнча сүйлөшүүлөр жүрүп, азыр эки тарап бир пикирге келгенин, келишим ратификациялануу алдында турганын билдирди.

Автор: Жылдыз Джускембаева