Түштүк Африканын Дурбан шаарында адилетсиз баа алганына нааразы болгон окуучулар мектепти өрттөп жиберишкен. Бул тууралуу чет элдик басылмалар жазып чыгышты.
28-ноябрь күнү мектептин окуучулары алган бааларын көрүшкөн. Балдар бааларына канааттанбай, төмөндөтүлүп коюлган деп нааразы болуп, имаратты өрттөп жиберишкен. Өрт өчүрүүчүлөр убагында өрттү өчүрүүгө үлгүрүшкөн. Эч ким жабыр тартпаганы менен имарат жараксыз абалга келген.
Квази Мтхетва Билим берүү улуттук департаментинин өкүлү окуучуларды маселени зомбулук, коомдук имаратты бүлүндүрүү жолу менен чечпөөгө чакырган.
Учурда бул окуя боюнча териштирүү иштери жүргүзүлүүдө.