Өзбекстан 160-орунда болсо, Тажикстан 161-сапта турат. Сөз эркиндиги боюнча Кыргыз өлкөсү 83-орунда

Сөз эркиндиги боюнча Кыргыз өлкөсү 180 мамлекеттин ичинен 83-орунда. Бул тууралуу Эл аралык “Чек арасыз репортёрлор” укук коргоочу уюму Сөз эркиндигинин индексин (2019 World Press Freedom Index) жарыялады. 2018-жылы Кыргыз өлкөсү сөз эркиндиги боюнча 98-орунду ээлеген болчу.

Учурдагы рейтингге ылайык, сөз эркиндиги боюнча жүргүзүлгөн иликтөөнүн алдыңкы сабына Норвегия, Финляндия жана Швеция чыккан.

Коңшу Өзбекстан 160-орунда болсо, Тажикстан 161-сапта турат. Казакстан 158, ал эми Орусия 149-орунду ээлеген.

Сөз эркиндиги боюнча төмөн көрсөткүчтө деп уюм Түркмөнстанды атаган. Ал 180-сапка түшкөн. Анын алдында Түндүк Корея турат.

Буга чейин, 14-декабрда Кыргыз Республикасынын Тышкы иштер министрлиги өлкөдөгү сөз эркиндигине эч кандай чектөө жок экендигин билдирген. Бул билдирүү ЕККУнун ЖМКлар боюнча өкүлү Арлем Дезирдин Кыргыз өлкөсүндөгү сөз эркиндигине байланыштуу бир тараптуу жана чыныгы кырдаалды чагылдырбайт деген комментарийи боюнча жарыяланган. Буга министрлик толугу менен макул эместигин айтуу менен анын билдирүүсүн Кыргыз өлкөсүндөгү соттук бийликке таасир кылуу аракети иретинде карап жатканы таратылган маалыматта жазылган.

Ошондой эле өңүттө Тышкы иштер министрлиги АКШнын Өкүлдөр палатасынын эл аралык иштер боюнча комитетинин комментарийине жооп кайтарган. "Бул маалыматты чындыкка дал келбеген, эгемендүү өлкөнүн ички ишине кийлигишүү жана соттук бийликке кысым көрсөтүү аракети деп баалайбыз. Ошондой эле АКШнын Өкүлдөр палатасынын комитетине маалымат булагын кылдаттык менен талдоону, алынган маалыматты бир канча ирет текшерүүнү сунуш кылабыз", - деп жазылат министрлик тараткан маалыматта.

Автор: Кызжибек Раимова

10:47 18-12-2019

Жазылуу

РУБРИКАДАГЫ СОҢКУ КАБАРЛАР

08:00 2025-06-25 | Түркүн дүйнө

Израилде Иран менен болгон кагылыштан курман болгондордун саны өстү 51 0

23:40 2025-06-24 | Түркүн дүйнө

Дональд Трамп "Нобелдин" тынчтык сыйлыгына көрсөтүлдү 846 0

22:46 2025-06-24 | Коом жана турмуш

25-июнга карата аба ырайы 505 0

22:18 2025-06-24 | Түркүн дүйнө

АКШ Конгрессинин кызматкерлерине WhatsApp тиркемесин колдонууга тыюу салынды 494 0

21:23 2025-06-24 | Түркүн дүйнө

Кытай интернет колдонуучулар үчүн мамлекеттик санарип ID киргизүүдө 476 0

20:55 2025-06-24 | Коом жана турмуш

Блог: Мен көргөн Анталья: күн, деңиз, тарых жана сезимдер 910 0

Архив

Комментарийлер (10)

Alimbek1000

2019-12-18 10:54:02

Шүгүр кылалы. Ашыкча ызылдаган туура эмес. Борбор Азия боюнча биз биринчи орунда турабыз сөз эркиндиги боюнча.

chake

2019-12-18 10:57:36

сөз эркинигине жамынган тролдор көбөйүп жатат акыркы учурда буларга чара көрбөсө болбой калдф

-8

Absamat-90

2019-12-18 11:01:37

Соз эркиндиги ото эркин, биздин эркиндик жада калса Европанын эркиндигине тен келе алат.

Losw

2019-12-18 16:04:16

Absamat-90, башталды жомок!!!

Kyrgyz_bloger

2019-12-18 11:40:47

Бул сыймыктана турган нерсе эмес,соз эркиндиги сенин казанына аш салып бербейт да,коруппция боюнча да биринчи орунда турабыз торолгондон олгончо коруппция мына ошону жок кылыш керек

meni_kut

2019-12-18 12:07:30

Kyrgyz_bloger,кандайча казанга аш салбайт,азыр эки митинг отуп жатат ,а казакстанда эки эмес бир митинг,даже пустой кагаз которуп чыкса да камап кетет,карысы жашка карабайт.

Kyrgyz_bloger

2019-12-18 11:45:20

Соз эркиндиги боюнча орто азия боюнча биринчи орундабыз деген чындыка жатпай калат го,Казакстанда деле биздей эле элдер интернетте чал кет деп ачык эле айтат

meni_kut

2019-12-18 12:08:30

Kyrgyz_bloger,четинен камап жатат го ,аларга даже тынчтык митингге чыга алышпайт.

PROS

2019-12-18 12:37:01

Эл аралык деген бул уюм чыныгы жүзүбүздү билишпейт да, алар тиги гейпарадка чыккандарды көрүшүп, анан музейдеги жылаңачтангандарды көрүшүп, митингдерди көрүшүп анан оо буларда сөз эркиндиги бар экен деп жатышат!!! Чындап келгенде абал башка бизде!!!

Saliman

2019-12-18 23:25:39

Соз эркиндиги деп болуп жаткан кырдаалды ачык-айкын сайрап жатсанда созунду жогору жактагылар кулагынын сыртына калтырып эч кандай реакция кылбай жатышпайбы

Комментарий калтыруу үчүн өз ысымыңыз менен кириңиз же каттоодон өтүңүз.