Көз ордуна 2 шишик менен төрөлгөн Табарактын бир көзүндөгү шишик операция жолу менен алынды

Көз ордуна 2 шишик менен төрөлгөн Табарак Асилбек уулунун бир көзүндөгү шишик операция жолу менен алынды. Бул тууралуу "Ак ниет-Аманат" кайрымдуулук фондунун жетекчиси Медер Сапарбаев билдирди.

"Тилекке каршы, Табарактын көрүүсү өмүр бою кайтарылбайт экен" деди ал. Операция азырынча Табарактын бир көзүнө жасалып, операциядан наристе аман-эсен чыккан.

"Операция ийгиликтүү жасалды, бала андан чыкканга чейин Кудайга жалынып отурдук. Бирок ал жарыкчылыкты өмүр бою көрө албастыгын угуп сай-сөөгүбүз сыздап турат. Баары бир жакшылыктан үмүт үзгүбүз келбейт. Дагы 1-2 аптадан кийин экинчи көзүндөгү шишик алынат. Дарыгерлер бала кыйналып калбасын деп биринчи бир эле көзүндөгү шишикти алды. Асылбек Нуркамил уулу менен чогуу жүрүп аларга абдан ичим ачышты. Дени соо адамдарга караганда жашоосу бир топ оор экен, ага карабастан балдарынын саламаттыгы үчүн аракет көрүп жүрөт", - деди Сапарбаев.

Буга чейин аталган коомдун башчысы Табарактан тышкары дагы 4 бейтап менен Индиядагы эң ири клиникалардын биринде дарыланып жаткандыгы жазылган.

Эске салсак, Табарактын атасы Асилбек Нуркамил уулунун 2 көзү тең көрбөйт. Ал үйлөнөрдө ден соолугунун мүмкүнчүлүгү чектелген кыз издеп, 2012-жылы Жазгүл аттуу кызга үйлөнгөн. Улуу кызы Хафиза ден соолугу чың төрөлгөн, бирок сүйлөө жагынан аксайт. 2-кызы Басиранын да көзү азиз. 3-баласы Табарак көздүн ордуна 2 шишик менен төрөлгөн. Өткөн жылы жеке курулуш компаниясы жана кайрымдуу адамдардын жардамы менен "Ак ниет-Аманат" фондунун демилгесинде үй-бүлө 3 бөлмөлүү батирлүү болгон. Мындан тышкары, Табарактын жүрөгүнө операция жасалган.

Көз ордуна 2 шишик менен төрөлгөн Табарактын бир көзүндөгү шишик операция жолу менен алынды

Автор: Кызжибек Раимова

09:18 15-01-2020

Жазылуу

РУБРИКАДАГЫ СОҢКУ КАБАРЛАР

23:40 2025-06-24 | Түркүн дүйнө

Дональд Трамп "Нобелдин" тынчтык сыйлыгына көрсөтүлдү 186 0

22:46 2025-06-24 | Коом жана турмуш

25-июнга карата аба ырайы 222 0

22:18 2025-06-24 | Түркүн дүйнө

АКШ Конгрессинин кызматкерлерине WhatsApp тиркемесин колдонууга тыюу салынды 257 0

21:23 2025-06-24 | Түркүн дүйнө

Кытай интернет колдонуучулар үчүн мамлекеттик санарип ID киргизүүдө 290 0

20:55 2025-06-24 | Коом жана турмуш

Блог: Мен көргөн Анталья: күн, деңиз, тарых жана сезимдер 627 0

20:37 2025-06-24 | Саясат

УКМК Токмок шаарынын мэри эмнеге кармалганын айтты 1979 0

Архив

Комментарийлер (6)

admiral

2020-01-15 11:00:19

Аллахым сабыр берсин бул уйболого аябай оор сыно, мындай сыноону эч кимдин башына салбасын Кудайым. Ютуптан видеосун коруп ыйлабаган адам мээримсиз адам! Видеону коруп коп нерселердин кадырына жетпей жоргонумду билдим.. Медер мырза жашоодогу жолунузду тааптырсыз Аллахым омурунузду берсин, сиздей адамдарга кыргыз эли муктаж..

iryi1

2020-01-15 12:30:38

Жараткан Тенир ден соолук берсин. Бир гана Тенирден ден соолук тилеп, оорубагыла.

-4

bema_bema

2020-01-15 14:14:14

iryi1,Тенирден сен сурай бер

nur007mir009kg

2020-01-15 16:08:54

Аллахым Шыфаасын берсин Амиин.

Kuyoo_bala

2020-01-15 16:49:49

Аллахым шыпаасын берсин

faraon312

2020-01-15 21:54:31

Аллах сабыр берсин ата-энесине. Наристеге шыпаа берсин. Көзүбүз бар адамдар шүгүр кылалы...

Комментарий калтыруу үчүн өз ысымыңыз менен кириңиз же каттоодон өтүңүз.