Эгемендүүлүктүн 22 жылдык мааракесине карата Бишкек шаарында бир катар иш-чаралар уюштурулат

31-август – Кыргызстандын эгемендүүлүк күнүнө карата Бишкек шаарында бир катар иш-чаралар уюштурулат. Маданият, маалымат жана туризм министрлиги билдиргендей, саат 10:00дө Бишкектеги “Ала-Тоо” аянтында майрамдык концерт болуп, спорттук мелдештер уюштурулат. Ошондой эле “Ак-Кула” ат майданында Президенттин Кубогуна арналган ат оюндары болот. Кечинде кыргыз эстрада жылдыздарынын коштоосунда концерт тартууланып, салют аттырылат. Ал эми Мамлекеттик тарых музейинде “Эгемендүү Кыргызстан” аталышындагы көргөзмө болуп, 1-сентябрда жогорку окуу жайларда Кыргызстандын тарыхы тууралуу бир катар дарстар окулат.

Автор: Ширин Жумадилова