Жогорку Кеңештин комитетинде кийинки аптада Отун-энергетика комплексин жөнгө салуу боюнча агенттиктин аткарган иши тууралуу маселе каралат

25-февралда Жогорку Кеңештин комитетинде Отун-энергетика комплексин жөнгө салуу боюнча агенттиктин аткарган иши тууралуу маселе каралат. Бул тууралуу парламенттин сайтына жарыяланды.

Маалыматка ылайык, баяндаманы аталган агенттиктин директору Таалайбек Нурбашев жасайт. Отун-энергетикалык комплекси жана жер казынасын пайдалануу боюнча комитетинин жыйынында мындан тышкары 2 маселе талкууланат. "Салык кодексине өзгөртүүлөрдү киргизүү жөнүндө" мыйзам долбоору жана башка маселелер каралат.

Автор: Жылдыз Джускембаева