Кечиксеңиз 5 миң сом айып салынат! Бүгүн юридикалык жактар үчүн салык декларациясын кабыл алуунун акыркы күнү

Бүгүн, 2-мартта юридикалык жактар үчүн Бирдиктүү салык декларациясын тапшыруу мөөнөтү аяктайт. Буга байланыштуу мамлекеттик салык кызматы декларацияны тапшыра элек юридикалык жактарды белгиленген мөөнөткө чейин тапшырууга чакырат.

"Бүгүн аймактык салык органдары декларацияны түнкү саат 12:00гө чейин кабыл алышат. Декларацияны өз убагында тапшырбаган юридикалык жактарга 5 миң сом өлчөмүндө айып салынат", - деди мекеменин басма сөз катчысы.

2-мартка чейин Бирдиктүү салык декларациясын ата мекендик уюмдар, дыйкан жана фермердик чарбалар, туруктуу мекемесин түзүү менен республиканын аймагында ишмердигин жүргүзгөн чет өлкөлүк уюмдар тапшырууга милдеттүү.

Автор: Бактыгүл Момбекова