Мамлекеттик экотехинспекциянын кызматкерлери пара алып жаткан учурда кармалышты

Мамлекеттик экотехинспекциянын кызматкерлери пара алып жаткан учурда кармалышты. Бул тууралуу УКМКнын басма сөз кызматынан билдиришти.

Маалыматка ылайык, 6-март күнү өкмөткө караштуу экологиялык жана техникалык мамлекеттик инспекциясынын Талас облусундагы башкармалыгынын башкы инспектору А.К. жана инспектору З. у. С. пара алып жаткан учурунда кармалды.

Кызматкерлер жеке ишкананы текшеребиз деген шылтоо менен ишкерден акча каражатын талап кылышкан. Сотко чейинки өндүрүштүк материалдар "опузалап пара алуу" боюнча Кылмыштардын жана жоруктардын бирдиктүү реестрине катталды. Учурда кармалгандар Талас облусттук тергөө камак жайына киргизилип, тергөө жүрүп жатат.

Автор: Айсалкын Качкынбекова