Жогорку Кеңештин социалдык маселелер боюнча комитетинде кворум жок жыйын өткөн жок. Жыйынга 4 гана депутат келди

Жогорку Кеңештин Социалдык маселелер, билим берүү, илим, маданият жана саламаттыкты сактоо боюнча комитетинде кворум жок жыйын өткөн жок.

Комитетте жалпы 9 депутат бар. Жыйынга комитеттин 4 гана депутаты келди. Комитеттин төрайымы Гүлкан Молдобекова депутаттар кечигип жатканын айтып, 15 мүнөт тыныгуу жарыялаган. Бирок депутаттар келген жок.

Жыйындын күн тартибине 8 маселе коюлган. "Алименттик милдеттенмелерди жөнгө салуу чөйрөсүндөгү айрым мыйзам актыларына өзгөртүүлөрдү киргизүү жөнүндө" мыйзам долбоору, "Жарандык абалдын актылары жөнүндө" мыйзам долбоору каралмак.

Автор: Жылдыз Джускембаева
Фото: Жылдыз Джускембаева