Футболчу Лионель Мессинин менчик учагы авариялык абалда конду

Футбол боюнча Аргентина улуттук курамасынын жана испаниялык "Барселона" клубунун чабуулчусу, дүйнөлүк футбол жылдызы Лионель Мессинин учагы авариялык абалда конду. Бул тууралуу дүйнөлүк басылмалар жазып чыгышты.

Маалыматка ылайык, футболчунун менчик учагы Тенерифе аралына учуп баратканда учактын шассисинен көйгөй жаралып, Бельгиянын борбору Брюссель шаарындагы аэропортко авариялык абалда конгон. Азырынча футболчу учактын ичинде бар же жок экени белгисиз. Брюсселдеги аэропорт бул тууралуу маалымат берүүдөн баш тарткан.

Маалыматка ылайык, 32 жаштагы Лионель Месси бул менчик учагын эки жыл мурун 13 миллион еврого сатып алган.

Автор: Азат Бейшенбеков