Актёр Том Хэнкстин жубайы коронавирустан дарылоонун терс жактарын айтты

Тектеш кабарлар: Дүйнөгө тараган коронавирус боюнча башка маалыматтар (8926 материал)

Белгилүү актёр Том Хэнкстин жубайы Рита Уилсон коронавирустан дарылоонун терс жактарын айтты. Бул тууралуу чет элдик маалымат каражаттары жазып чыгышты.

Маалыматка ылайык, Уилсон хлорохин дарысы тууралуу айткан.

"Кускуң келип, башың айланат экен. Менин булчуңдарым алсыз болчу, ошондуктан өз алдымча тура алчу эмесмин", - деп жазган Уилсон.

Ошондой эле ал аны вирустан дал ушул хлорохин айыктырыш мүмкүн экендигин айткан.

"Дары жардам бердиби же убакыт келдиби билбейм ысытмам түштү. Бирок эмнеси болсо дагы дарыгерлерди бул дарыны абайлап колдонууга чакырат элем", - деген актёрдун жубайы.

Америкалык актёр, продюсер, режиссёр Том Хэнкс жана анын жубайы Рита Уилсон коронавирус жуктуруп алышканы белгилүү болгон.