Тасмадагы окуя менен турмуштагы окуянын дал келиши... Нью-Йоркто коронавирустан каза болгон маркумдар массалык түрдө көмүлүп жатат

Американын Нью-Йорк шаарынан алыс эмес Хард аралындагы ээн талаада жайгашкан көрүстөнгө коронавирустан каза болгон адамдардын жансыз денелерин көмүп жатышат. Маркумдардын сөөктөрүн жерге берүү массалык түрдө ишке ашырылууда. Бул тууралуу дүйнөлүк маалымат булактары жазып чыгышты.

"Кароосу жок же жакыр үй-бүлө өкүлдөрүнүн сөөктөрү аталган көрүстөнгө буга чейин дагы көмүлүп келген. Сөөк коюучу жай Нью-Йорк шаарынан алыс эмес жерде жайгашып, ал дене титиреткен жаман аты менен белгилүү. Мүрзө 151 жылдык тарыхы бар сөөк коюучу жай болуп саналат. Анткени ага жарандык согуштан курман болгон жоокерлердин, өлүү төрөлгөн наристелердин, кароосуз калган адамдардын жана ВИЧке чалдыккандардын сөөктөрү жашырылган", - деп айтылат маалыматта.

Көрүстөнгө маркумдардын денелерин массалык түрдө жашыруу процессинен кадр.

Азыркы тапта мүрзө бүт ааламдын көңүл борборунда болуп, дээрлик бардык өлкөнүн маалымат булактары андагы окуяга көз салып турган чагы.

Маалымат каражаттары АКШ бийлиги вирустун кесепетинен кайтыш болгон маркумдардын денелеринен вирус башкаларга жугуп калуусунун алдын алып, алыс аймак катары аталган сөөк коюучу жайды тандап алышканын жазышууда.

Хард аралындагы ээн талаада жайгашкан көрүстөн.

Маалыматка ылайык, мүрзөгө аптасына беш жолу өлгөн адамдардын сөөктөрү чогуу жерге көмүлүүдө.

Азыркы тапта социалдык тармактын колдонуучулары тарабынан көрүстөн эң көп кепке алынып, талкууланып жатат. Айрыкча 2011-жылы режиссёр Стивен Содерберг тарткан "Заражение" аттуу тасмадагы окшоштуктар көпчүлүктү таң калтырууда.

Биринчи сүрөттө - Нью-Йорктогу көрүстөндөгү азыркы абал.
Ал эми экинчи сүрөттө - 2011-жылы жарык көргөн "Заражение" тасмасынан кадр.
Анда да вирустун айынан каза болгондор массалык түрдө көмүлгөн.

Мындан улам социалдык тармактын колдонуучулары бул дал келүүгө таң калып бүтө албай жатышат.

Акыркы маалыматка ылайык, АКШда пандемиядан улам сөөк коюла турган жайлардын саны беш эсеге көбөйгөн.

Азыркы тапта АКШда 742 миңден ашуун бейтап коронавирус менен алышып жатат. Алардын 66 миңден ашууну ооруканадан чыгарылып, 40 миңден ашык адам каза болду.

Автор: Гүлшат Ысамамат кызы

07:04 20-04-2020

Жазылуу

Тектеш кабарлар:

Коронавируска каршы күрөшүү үчүн Саламаттыкты сактоо министрлигинин эсебине 138 миллион сомдон ашык акча түштү

Соңку 20 күндө илдет 2 миллиондой адамга жукту. Коронавирус менен ооруган алдыңкы 10 өлкө (30-апрелге карата)

Кош бойлуу айымдар коронавируска каршы эмдөөдөн кандай учурда өтсө болбойт?

"Ухан вирусу": Коронавирус жуктуруп алгандардын саны 1 миллион 918 миң 855ге жетти

АКШ Кытайга коронавирус боюнча сот ишин козгой баштады

Депутат Чыныбай Турсунбековдун сөөгү "Ала Арча" көрүстөнүнө коюлат

Кошуна Өзбекстанда коронавирус жуктургандардын саны 4кө жетти

Саламаттыкты сактоо министринин орун басары эпидемиологиялык абал тууралуу маалымат берди (видео)

Казакстандын бешинчи жараны коронавирус жуктурганы анык болду

"Фейсбук" компаниясы кызматкерлерине жыл аягына чейин үйдөн иштөөгө уруксат берди

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (6)

Alpen.gold

2020-04-20 07:18:18

Өткөндө ушул кинону көрүп алып таң атканча уктай албай чыктым эле.Чын эле азыркы абал менен окшош

Samatalibei

2020-04-20 07:52:58

Аллах күнөөлөрүбүздү кечирип мурунку жашообузду насип кылсын. Орозо айында тилектер кабыл болчу күнөөлөр кечирилчү ай Аллахтан сураналы! Өкүнүчтүү бир ай мурда байлык бийлик ден соолук суранат элек азыр мурдакы жашоону суранып калдык.

+27

azamat7386

2020-04-20 09:35:18

Samatalibei,
туура, айтканына кошулам

Farm94

2020-04-20 11:34:07

Биз адамдар көп нерсени өзүбүз тилеп алабыз

tular

2020-04-20 15:22:49

Бул жөн гана сүрөт экен, чындыгында жалган экен! Азия менен Россия өлкөлөрү кырылып жатат деп Америкалыктарга, Европага жалган маалымат таркатып жатышат! Ишенбесеңиздер ошол жакта жашаган тааныштардан сурап көрүңүздөр?

-1

Эльвира Караева

2020-04-20 19:07:45

tular, жогорудагы дрон менен тартылган сүрөттөрдү америкалык ишенимдүү, кадыр-барктуу эле жаңылык сайттары жарыялашкан. Жалган деп жазуунун кажети жок.

Комментарий калтыруу үчүн өз ысымыңыз менен кириңиз же каттоодон өтүңүз.