Орусияда мекендештер ортомчу сайттардан билет сатып алып, акчасын кайтара албай калып жатышат. Элчилик расмий авиаташуучуларга гана ишенүүгө чакырат

Учурда Орусиядагы келе албай жаткан мекендештер ортомчу сайттар аркылуу электрондук билет сатып алып, мекенине келе албай же акчаны кайтарып ала албай, ортомчулардын курмандыгы болууда. Андыктан Кыргыз өлкөсүнүн Орусиядагы элчилиги расмий гана авиаташуучуларга ишенүүгө чакырат.

"Коронавирус илдетине байланыштуу Кыргыз өлкөсү менен Орусиянын ортосунда авиа байланыштар, темир жол жана автоунаа жолдору азырынча жабык болууда. Бардык өлкөлөрдөгү оор абалга карабай орусиялык жана кыргыз авиаташуучуларга («Аэрофлот» «S7 «Airlines», «Урал авиакаттамдары», «Авиатраффик») түздөн-түз тиешеси жок авиабилеттерди алыстан жана электрондук тартипте саткан, юридикалык жоопкерчилиги жок ортомчу интернет-сайттар болууда. Алар мекендештерибиздин ишенимине кирип, электрондук билеттерди сатууда. Алардын максаты мекенине кетүүгө муктаж болуп турган Кыргыз жарандарынын акчасынан чөнтөгүнө пайда көрүү болуп саналат.

Үзгүлтүксүз каттоочу авиакаттамдардын жоктугунан Кыргыз жарандары мекенине учпай калып, алган билеттеринин акчасын кайтара албай жаткан учурлар катталууда. Анткени ортомчу билет сатуучу интернет сервистердин кардарларды колдоо жана алар кайра байланышуу кызматы жок жана билетке кеткен акчаны кайтарып алуу боюнча жарандардын кайрылуусуна жооп берүүчү операторлору жок. Ушуга байланыштуу Элчиликтин алдындагы штаб мекендештерди авиакаттамдардын кайра жанданышы тууралуу расмий жарыялоого чейин ортомчу электрондук интернет сервистерден билет алуудан баш тартууга чакырат, ошондой эле каттамдар тууралуу бардык керектүү маалыматтарды орусиялык жана кыргыз авиакомпаниялардын расмий маалымат байланыштарынан тактоого чакырат.

«Аэрофлот» 8 800 444 55 55, +7 495 223 55 55, «S7 Airlines» 8 800 700 07 07, «Урал авиакаттамдары» 8 800 77 00 262, +7 499 920 22 52, «Авиатраффик» +7 925 750 81 41, +7 967 036 48 35.

Ошондой эле социалдык тармактарда тарап жаткан Орусиядан Кыргыз өлкөсүнө автобус менен жүргүнчү ташуу тууралуу маалыматтар тууралуу да белгилеп кетебиз. Орусиялык-казакстандык чек ара автоунаа жана темир жол менен жүргүнчү ташуу үчүн жабык болгонуна байланыштуу аталган маалымат чындыкка дал келбейт. Азыркы кырдаалга байланыштуу бардык маселелер боюнча жана авиакаттамдардын жанданышы тууралуу расмий маалымат алуу үчүн күнү-түнү иштеген Элчиликтин Call-борборуна төмөндөгү телефондор аркылуу чалып, кайрылуу калтырууга болот", - деп жазылат маалыматта.

+7 (499) 237 43 01; +7 (499) 237 44 61; +7 (925) 387 41 27 – мобилдик (WhatsApp); +7 (925) 387 45 97 – мобилдик (WhatsApp); +7 925 103 29 11 – мобилдик( WhatsApp).

Автор: Гүлжамал Абылкасымова