Сапар Исаков, Жантөрө Сатыбалдиев, Салайдин Авазов жазасын өтөөгө барган мекемелерде карантинге алынышты

Сапар Исаков, Жантөрө Сатыбалдиев, Салайдин Авазов жазаларын өтөп жаткан мекемеде карантинде. Бул тууралуу Жазаларды аткаруу мамлекеттик кызматынан билдиришти.

Маалыматка ылайык, жаңы соттолгондор 14 күн туруучу өзүнчө бөлмөдө, анда медициналык кызматкерлер, психологдор жана мекеменин башка кызматкерлери иштешет. Ошондой эле аларды дарыгерлер көзөмөлдөп, андан кийин участкаларга жөнөтүлөт. Жактоочулар карантин аяктаганда, камактагылар менен жолуга алышат.

"Сапар Исаков жана башка соттолгондор түзөтүү абагынын башчысына анын жеке коопсуздугун камсыз кылуу үчүн арыз менен кайрыла алышат. Бирок бүгүнкү күнгө чейин жаңы соттолгондордун, анын ичинде Исаковдун, Сатыбалдиевдин жана Авазовдун жеке коопсуздугун камсыз кылуу боюнча эч кандай өтүнүчү болгон жок. Мамлекеттик жаза аткаруу кызматынын кызматкерлери менен жеке сүйлөшүү учурунда Сапар Исаков Замир Жоошев менен жолугушууну жана сүйлөшүүнү каалабагандыгын билдирди.

Мисалы, Өмүрбек Текебаев жазасын өтөө үчүн №47 мекемеге келгенде, анын жеке арызы боюнча, ал соттолгондордун көпчүлүгүнөн өзүнчө камакта отурган, ал жерде колония кызматкерлери ага жеке коопсуздугун камсыз кылуу үчүн бардык шарттарды түзүшкөн. Ошол эле учурда Дүйшөнкул Чотонов Молдовановка айылынын №27 мекемесинде жазасын өтөп жаткан, бирок ал камакта өзүнчө кармоо өтүнүчү менен кайрылган эмес", - деп жазылат маалыматта.

Жазаларды аткаруу мамлекеттик кызматы 22-апрелде комиссиянын чечими менен жазык-аткаруу кодексинин 72-беренесинин 5-бөлүгүнө ылайык, мурдагы өкмөт башчылар Жантөрө Сатыбалдиевди №47, Сапар Исаковду №8 жана "Электр станциялары" ишканасынын мурдагы жетекчиси Салайдин Авазовду №27 жалпы режимдеги түзөтүү абактарына которуу чечимин кабыл алган.

РУБРИКАДАГЫ СОҢКУ КАБАРЛАР
Архив
Комментарийлер (5)
Alixan-Nookat.2015
2020-04-28 13:23:08
Кол жазма ит буту менен жазылганбы?
+4
robot111
2020-04-28 13:29:31
ушунун баарын 111 млн долларды уурдап жаткандда ойлонуш керек болчу.
+4
chake
2020-04-28 13:23:32
уурдадыңбы ХХХХХ отур жазаңды ал күндө эле курортто жүргөнсүп ар демени айта бербей
+4
Jaznura
2020-04-28 13:32:00
Жазасын алсын.
+3
Alimbek1000
2020-04-28 13:34:44
Жазасын алсын. Жегендерин синдиришсин
+2
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан