Маршруттук таксинин айдоочулары жол кирени 20 сомго чейин көтөрүүнү сунушташууда

Бишкек шаарында жүргүнчү ташыган маршруттук таксилердин айдоочулары жол кирени көтөрүүнү сунуш кылышты. Маалыматты шаардык транспорт башкармалыгынын башчысы Болотбек Тезекбаев тастыктады.

"Жакында эле Транспорт жана жолдор министрлигинде жыйналыш болуп өткөн. Ага маршруттук ассоциациялардын өкүлдөрү жана башчылары дагы катышкан. Мындан тышкары Саламаттыкты сактоо министрлиги, республикалык штабдан дагы өкүлдөр келген. Жыйналышта ассоциация жетекчилери маршруттук таксилерде жүрүүнүн акысын көтөрүү тууралуу сунушун киргизишти. Алар жол кирени 20 сомго чейин жогорулатып берүүнү суранышкан. Жыйынтыгында мэриянын алдындагы штаб менен эпидемиологиялык комиссияга бул ишти карап чыгуу тапшырмасы берилди", - дейт Болотбек Тезекбаев.

Жол кирени жогорулатуу боюнча экинчи тараптын дагы оюн уктук. "Транс групп" жоопкерчилиги чектелген коомунун инженери Эсен Бейшеналиев айдоочулардын мындай демилгесин колдорун билдирди. Анын айтымында, инженер катары транспортко канча чыгым сарпталарын жакшы билет.

"Азыркы маршруттук унаалардын тетиктеринин 99 пайызы чет жактан келет. Демек техника кымбат. Учурдагы кырдаалга байланыштуу тетиктер мурдагыдай келбей калды. Экинчиден, Европа өлкөлөрүндө жол киренин баасы күйүүчү майдын баасына жараша, ошонун тегерегинде коюлат. Мисалы күйүүчү майдын баасы 30 сом болсо, 25 сомдун тегерегинде болот. Ал эми бизде такыр эле төмөн болуп жатпайбы. Мына ишемби, жекшемби күндөрү коомдук транспортту токтотуп туруу боюнча чечим кабыл алынды. Мындай жагдайда жарандарга гана оорчулук жаралат. Зарыл иштери менен шаарга чыгыш керек болгондор эмне кылат? Андан көрө жол кирени 20 сомго көтөрүп койсо, жүргүнчүлөр аз болсо дагы маршруттук таксилер жүрө бермек. Өз кезегинде эл аз акчага керектүү дарегине жетип алмак. Санитардык талаптар дагы аткарылмак. Баары бир жай мезгилинде жүргүнчүлөр 70 пайызга азаят. Киши аз болот, демек, айдоочулардын эмгек акысы акталбай калат. Бул көйгөй көп жылдардан бери көтөрүлүп келгени менен оң жыйынтык бере элек. Көбү маршруттук таксилердин айдоочуларын жүргүнчүлөрдү көп салат деп айыпташат. Мындай ойлонуп көргөндө айдоочулар таң атпай, эл чыга электе каттамга чыгат, кайра түн ичинде үйүнө келет. Алардын жумушу болгондон кийин иштен пайда түшүшү керек да. Мамлекет акча бербесе, жөн гана киши ташып коюп жүрө бербейт да. Ар биринин артында үй-бүлөсү бар. Андыктан бүгүнкү күндө жол кирени жогорулатуу боюнча көтөрүлүп жаткан маселе абдан туура деп ойлойм", - деди Эсен Бейшеналиев.

Автор: Бактыгүл Султаналиева

19:13 26-06-2020

Жазылуу

РУБРИКАДАГЫ СОҢКУ КАБАРЛАР

23:12 2025-06-21 | Бизнес-Инфо

Имамдар арасында жалпы элдик конкурс: Ар бир адам үчүн исламдык каржы 143 0

22:17 2025-06-21 | Коом жана турмуш

МИКтин өкүлү чөгүп жатат деген үйлөр боюнча жеринде түшүндүрмө берди (видео) 837 0

21:53 2025-06-21 | Коом жана турмуш

Камчыбек Ташиев Ысык-Көлдөгү эс алуучу жайлардын жетекчилерин чогултту. Себеби 964 0

19:50 2025-06-21 | Коом жана турмуш

"Чындыкка дал келбейт". МИК чөгүп жатат делген үйлөр боюнча үн катты (видео) 1498 0

18:16 2025-06-21 | Коом жана турмуш

Талаада таштанды терип жүргөн балдардын аракети жүрөк жылытты (видео) 1005 0

16:38 2025-06-21 | Коом жана турмуш

Бишкек–Ош унаа жолуна япон технологияларын колдонуу менен 750 метрлик тоннель курулат 1118 0

Архив

Комментарийлер (28)

talaa11

2020-06-26 20:43:01

Кыргызстанды Европага салыштырбагыла ал жакта айлык акы ото жогору жана эли абдан бай

Sakura715

2020-06-26 20:50:01

Ушунчалык да болосунарбы э тоова,

Колдойм 100%.Бизден мурун жолго чыгып, бизден кийин укташат, алганы 10 сом.Эмгегине жараша бааланыш керек го.Ар кандай адамдар чыгып нерв да кылышат ОЗУ деле

-20

-BOSS-

2020-06-26 22:14:01

Sakura715, Чыдабаса башка иш кылышсын, бирөө аларды мойнунан байлап иштетип жатыптырбы.

Welcome.

2020-06-26 23:00:36

Sakura715,кой айланайын, болбойт. Бул маршрутниктер күнүнө 1000 сомдон 5000ге чейин табат 10 сомдон алып атып деле. аа студент, окуучу, акчасы жок, иши жок адамдарга 20 сом кымбат!!!

gul3ina

2020-06-26 21:03:36

Маршуртниктер башты оорутпай 10-12 сомго тобо кылгыла

Mintip-menu-suybo

2020-06-26 21:16:42

Коронавирус учун 6, 7 чи куну маршруткалар иштешпейт экен десе, кеп биякта турбайбы... ммммм...

Adi010891

2020-06-26 21:17:24

Менин досум маршутка айдайт. Канча табасын десем жакшы болгон куну 3000-3500 чейин табам дейт. Болбой калды дегенде 1500 таза табам деген. Кичине шугур кылсанар боло 10 сомго.

+12

Taalaibek.

2020-06-26 21:25:24

Айланайын Маршруттук таксинин айдоочулары жол кирени 5 сомго чейин түшүрсөнөр боло, бензин арзандап калды го. 5 сом дел силерге кенен жетет. Түшүрсөнөр элдин сообун аласынар да.

nemo2016

2020-06-26 21:55:01

20 сомдон кылып чай кофе Бекер кылгыла

+10

Kg.paren

2020-06-26 22:13:37

100сом еле дегиле силерден не кетип тир

ZUXRIDDIN20

2020-06-26 22:29:17

15 адам батуучу маршруткага 50 адамды камап алып кетсе. Ошондон түшкөн акча деле жетпей жатат бекен

taalay25

2020-06-26 22:35:26

Жанынды жебечи бети жок! Жол кире которулгондо май кымбаттады деп котортконсунор! Анда 48 сом болчу азыр 28 сом бензин. Бетине котур чыксын сенин. Ишке байланыштуу коп чет жактагы шаарларга барып журом. Мисалы Беларусиянын борбору Минск шаарында шаардык транспорттун 12-14 сом биздин акча менен. Транспортору жаны, таза силерге окшоп элди коп салбайт. 45-50 мин айлык алат шаардын калкы орточо. Бизде ошончо орточо айлык барбы? Россиянын Курс, Рыжск, Серпухов, Ногинск, Саратов шаарлары да ушундай

sale-81

2020-06-26 23:01:32

10 сом эле туура, кебир Куну ал 10 сомду да Таба албай каласын, иштеген жери пересатка менен барса итак эле барып келгени 40 сом, кичине карапайым элди деле ойлосонор Боло, алдым жуттум эле болуп баратасынар,

urmat94

2020-06-26 23:05:26

20 сом кылып ашыкча адам салбайбыз деп эркекче убада бералат экенби Ошо айдоочулар биринчи

taalay25

2020-06-26 23:41:10

urmat94,ал маселени эркекче айткан менен чечилбейт. Азыр бироонун айткан созу жел соз. Ал учун шаардагы маршруттук линиядага бардык маршруткаларды алып ордуна автобус, троллейбустарды сатып келиш керек. Шаарда калктын саны да кобойуп кетти метро болбосо да монорельс, диаметрлирде киргишиш керек инвесторлорду таап. Ошондо 15-20 сомго чыгарса болот. Анда да электронный кошелёко откоруш керек акча туура банка барып тушкудой кылып

Shef87

2020-06-27 10:15:28

Күйүүчү май арзандап атат наборот 5сомго түшүрүш керек

Kemel29101981

2020-06-27 12:19:14

Арендага берген жетимдерди арзандат десенер. 80% маршруткаларды арендага алып айдайсынар. Андан коро маршруткалардын арендасын тушурткуло.

Nurba18

2020-06-27 14:40:04

Европага салыштырган инженер мээң иштейби анда айлыкты да европадагыдай кылгыла андан соң жол кирени майдын баасына карап коесунар!

Комментарий калтыруу үчүн өз ысымыңыз менен кириңиз же каттоодон өтүңүз.