"Тойканаларда той-аш, эскерүүлөрдү өткөрүүгө тыюу салынат". Жалал-Абад шаарында бир катар чектөөлөр киргизилди

Тектеш кабарлар: Дүйнөгө тараган коронавирус боюнча башка маалыматтар (8926 материал)

Учурда өлкөдөгү болуп жаткан кырдаалга байланыштуу Жалал-Абад шаарында олуттуу чектөөлөр киргизилди. Бул тууралуу Жалал-Абад шаардык мэриясынан билдиришти.

Ага ылайык,

Кафе, ресторандар, коомдук тамактануучу жайларга 08:00дөн 20:00гө чейин гана иштөөгө уруксат берилет.
Чайканалар ачык асман алдында иштөөгө тийиш.

Тойканаларда той-аш, эскерүү иш-чараларын өткөрүүгө уруксат жок.
Ишемби, жекшемби күндөрү коомдук транспорттор убактылуу каттабайт.
Базарлардын иштөө мөөнөтү 06:00дөн 18:00гө чейин деп чектелди.
Кийим-кече саткан ири базарлар ишемби, жекшемби күндөрү жабылып, дезинфекциялоо жүргүзүлөт.
Сейил бактардагы аттракциондор, футбол аянтчалары, интернет клубдар, түнкү көңүл ачуучу жайлар жана бассейндердин ишмердүүлүгүнө белгисиз мөөнөткө чейин чектөө киргизилди.
Элдин массалык чогулуусуна жол бербөө максатында жума намазын окуу 4-июлдан тартып 18-июлга чейин убактылуу токтотулду.

"Жогорудагы талаптардын аткарылышын көзөмөлдөө үчүн тынымсыз рейддер өткөрүлүп, мыйзам чегинде чаралар көрүлөт", - деп айтылат маалыматта.