"Ухан вирусу": Дүйнөдө коронавирустан каза болгондордун саны 638 миң 352ге жетти

Бүгүн, 25-июлга карата дүйнө жүзүндө коронавирус инфекциясын 15 миллион 672 миң 841 адам жуктуруп алды. Анын 8 миллион 986 миң 284 бейтабы айыгып чыкса, тилекке каршы 638 миң 352 адам каза болду.

Коронавирус эң көп катталган өлкөлөрдүн сап башында АКШ турат. Бул өлкөдө жалпы 4 миллион 109 миң 603 адамдан коронавирус аныкталып, 145 миң 376 адам каза болсо, 1 миллион 261 миң 624 бейтап айыгып чыкты.

Экинчи орунда Бразилия өлкөсү турат. Бул өлкөдө коронавирус инфекциясы 2 миллион 287 миң 475 адамдан аныкталды. 85 миң 238 адам каза болсо, 1 миллион 693 миң 214 бейтап айыкты.

Ал эми Индия өлкөсү үчүнчү орунда. Индияда 1 миллион 288 миң 108 адам вируска кабылган. 30 миң 601 бейтап көз жумса, 817 миң 209 бейтап оорудан сакайган.

Жогорудагы маалымат АКШдагы Жон Хопкинс атындагы университеттин сайтынан алынды. Аталган булак Саламаттыкты сактоо боюнча дүйнөлүк уюм, коронавирус катталган өлкөлөрдүн Саламаттыкты сактоо министрликтери берген маалыматка таянып, сутка ичинде бир канча ирет жаңылоо менен вирустун тарашы боюнча статистиканы көзөмөл кылып жатат.

Автор: Азат Бейшенбеков