Улуу Британиянын ханзаадасы Уильямдын жубайы Кейт Миддлтон элдешүү максатында Меган Марклга гүл жиберген

Улуу Британиянын ханзаадасы Уильямдын жубайы Кейт Миддлтон элдешүү максатында Меган Марклга гүл жиберген. Бул тууралуу чет элдик басылмалар жазып чыгышты.

Басылмалардын маалыматына ылайык, Кейт гүлдү Мегандын туулган күнүндө жиберген. Бирок Меган бул элдешүү үчүн жетишсиз деп билдирген.

Айрым маалымат булактары абысындардын ортосунда эч кандай түшүнбөстүк болбогонун жазып чыгышкан.

Кээ бир булактар Кейт Миддлтон менен Меган Марклдын келишпестиги Гарри менен Мегандын үйлөнүү тоюнда болгонун жазып чыгышкан. Анда протоколго ылайык, келиндин курбусу колготки кийиши керек болгон. Бирок күндүн ысыктыгынан Меган курбусун аны кийбей эле коюшуна уруксат берип койгон. Мындан улам түшүнбөстүк башталган деп жазылат маалыматтарда.

Автор: Айсалкын Качкынбекова