"Теңирден тескери". Японияда кызматкер жогорку билими бар болгону үчүн жумуштан айдалды

Япониянын Кобе шаарында жогорку билими бар болгону үчүн кызмат адамы жумуштан айдалды. Бул тууралуу дүйнөлүк басылмалар жазып чыгышты.

Маалыматка ылайык, 48 жаштагы кызматкер гидротехникалык курулуштардын муниципалдык бюросунда 1996-жылдан бери эмгектенип келген. Көйгөй вакансия - орто мектеп бүтүрүүчүлөрү үчүн болгон, ал эми кызматкер жогорку билим тууралуу маалыматты айткан эмес.

Кызматка дайындалып жатып ал жогорку билими бар экендигин жашырган. Чындык март айында бийликтин анонимдүү билдирүүсүнөн кийин гана ачыкталган.

Анын айтымына караганда, ал арыз берип жатып, кызмат алуу үчүн жогорку билими бар болгону ага көйгөй жаратарын билген эмес.

Буга чейин, тактап айтканда 2006-жылы Кобе шаарында билими тууралуу жасалма документтердин айынан массалык иштен бошотуу катталган. Бул учурда ал абалын түшүндүрүп, жогорку билими жок экендигин тастыктаган.

Изилдөө иштеринин жыйынтыгында ал жумуштан айдалган.

Автор: Айжанар Рыспек кызы