Адахан Мадумаров: "Биз тушалган аттай болуп бир аптадан бери турдук"

Бүгүн, 9-сентябрда Бишкектин административдик сотунда "Бүтүн Кыргызстан" партиясынын БШКнын чечимине каршы доо арызы каралды. Сот партиянын доо арызын канааттандырды. Сот имаратынын алдында турган партиянын тарапташтарына партия лидери Адахан Мадумаров чыгып, аларды жеңиши менен куттуктады.

"Бул жеңиш жарандардын шайлоого катышуу укугунун жеңиши. Эл деген бийликтин бутагы. Элдин каалоосу менен жүргөн гана бийлик бийик боло алат. Бизге чет өлкөдөн дагы мекендештерибиз чалып, тилектештигин билдирип жатышат. Ал эми силер ушул жерде он сааттан бери суу ичпей турасыңар. Силерге рахмат. Биз шайлоого ушундай алешемдиктер менен күрөшөбүз деп бара жатабыз. Биздин максат кызмат кылуу. Ачкан курсакты тойгузсак болот, бирок өз укугубуз менен өзүбүз күрөшпөсөк болбойт. Алдыда күрөш турат. Биз тушалган аттай болуп бир аптадан бери турдук. Ал эми башкалар элди, жерди кыдырып жүрөт. Бизда эртеңден баштап шайлоо процессине катышып баштайбыз", - деди Мадумаров.

Буга чейин Борбордук шайлоо комиссиясы 3-сентябрда шайлоого саясий партиялардын тизмесин каттаган. БШКнын жыйынында жумушчу тобу “Бүтүн Кыргызстан” партиясы "талапкерлерди аныктоодо эреже бузган" деп таап, партияны каттоодон баш тартуу сунушун берген. Жыйынтыгында БШКнын мүчөлөрү жумушчу топтун сунушун колдоого алып, “Бүтүн Кыргызстан” саясий партиясын каттоодон баш тартышкан. БШКнын чечимин «саясий чечим» деп баалаган “Бүтүн Кыргызстан” партиясы сотко кайрылган болчу.

Автор: Айсалкын Качкынбекова
Фото: Жылдыз Джускембаева

20:07 09-09-2020

Жазылуу

РУБРИКАДАГЫ СОҢКУ КАБАРЛАР

10:51 2025-05-10 | Коом жана турмуш

"Ала-Тоо" аянтындагы Жеңиш күнүнө арналган концерт дрон-шоу менен коштолду (видео) 40 0

10:46 2025-05-10 | Түркүн дүйнө

Пакистан Индияга каршы ири масштабдагы аскердик операциясын баштады (видео) 153 0

10:00 2025-05-10 | Коом жана турмуш

Бишкекте Жеңиш күнүнө арналган концертте Дима Билан өзгөчө чыгышы менен элди таң калтырды (видео) 483 0

09:56 2025-05-10 | Саясат

Садыр Жапаровдун Орусияга болгон иш сапары аяктады (видео) 300 0

09:39 2025-05-10 | Кылмыштар, кырсыктар

Ноокаттагы спорттук иш-чара массалык мушташка айланды (видео) 814 0

09:18 2025-05-10 | Коом жана турмуш

Улуу Жеңиштин 80 жылдыгына арналган концерт Орусиядан келген ырчылардын коштоосунда өттү (видео) 380 0

Архив

Комментарийлер (6)

Syimyk.isaev

2020-09-09 20:14:58

Урааа! Буйруса парламентке да жетишсин! Элдик партия!

Jelezo

2020-09-09 20:21:48

Турсунбай Бакир уулу дагы бут тоссо бир кыргыздын жакшы жигити ручкасын акырын сындырып койсо болот эле.Же андай кыргыз жокбу.

BarsBaatyr

2020-09-09 21:24:59

Бүтүн Кыргызстан шайлоодо да утуп чыгат деп терең ишенебиз.

States

2020-09-10 04:11:32

Норвегияда бир депутат жаш кыз менен клубда бийлегени учун партиянын лидерлигинден алынды а бизде болсо соттолгондун баары депутат

azamat85

2020-09-10 08:15:29

барибир отпойт бул партия, азыр эл мурдакыдай колдобой калды. озум деле ушул убакытка чейин Мадумаровко добушумду берип келгенмин, бирок акыркы жылдары сын айтып эле мен мен деп калды... бул менин жеке оюм

Kattaldym

2020-09-10 09:31:46

Бул шакалды 7-апрелде каза болгондорду бандиттер дегенден бери короюн деген көзүм жок. Ошоло болбосо эмдигиче Бакиевдердин аркасын ###### коюп жүрмөк да, падхалимденип.

-2

Комментарий калтыруу үчүн өз ысымыңыз менен кириңиз же каттоодон өтүңүз.