"Xiaomi" адамдын тамырынын кагышын ченей турган футболка чыгарды

Кытайлык "Xiaomi" компаниясы адамдын тамырынын кагышын ченей турган футболка чыгарды. Бул тууралуу чет элдик басылмаларда жазылды.

Маалыматка ылайык, футболканын баасы болжол менен 43 доллар. Кытайлык компания ЭКГ-датчиги орнотулган акылдуу футболканы сатыкка чыгарды. Эми спортчулар машыгуу учурунда тамырынын кагышынан кабардар болуп, машыгуудагы чыңалууну жогорулатып же төмөндөтө алат. Бул футболка чоюлчаак полимерден жасалып, денеге ыңгайсыздык жана тоскоолдук жаратпайт. Бул акылдуу футболканын жаратуучулары ага орнотулган датчик смарт-саат жана фитнес-браслеттерге салыштырмалуу тамырдын согушун так көрсөтөт дешет.

Автор: Сезим Жумагулова